. Wir Friderich' von gottes gnaden Romischer keyser u. s. w. embieten vnsern vnd des reichs lieben getrewen burgermeister vnd ratt der statt zu Lyptzk vnser gnad vnd alles gut. Lieben getrewen. Wir sein warlich vnd glaublich vnderricht, wie wol die ersamen vnser vad des reichs lieben getrewen burgermeister vnd ratte der statt zu Halle in Sachßen bißher vnd lenger, dann in menschen gedechtnüß sein miig, einen iarmarckt daselbst ierlich autf den newen iarstag vnd acht tag darnach

45*

— 35G

gehabt herbracht gebraucht vnd genoßen haben, auch in von vns vnd vnsern vorfarn am reiche — bestett vnd confirmirt, nicht destmynder sey. darüber bey kurtz ver gangen iarn zu den obgemeltten zeitten vnd tagen ein iarmarckt bey euch zu Lyptzk zu haltn fnrgenominen vnd darauff den vermelten iarmarckt zu Halle nicht ferrer sonder zu Lyptzk zu besuchen vermeinte swere gebott bescehen, dadurch die obge- nanten von Halle von dem yetzgemelten irm iarmarckt vnd alten herbrachten gerech- tikeitten zudringen vnd daran zuuerletzen vnd zu beschedigen vnderstanden werden, deshalb dann newlich zu besterckung desselben furnemens auff anbringen vns getan etlich vnser keyserlich freyheit vnd gebottbrieue, darum wir doch gestalt grund vnd gelegenheit der Sachen nit vnderricht gewesen, außgegangen sein vnd doch dabey, damit nyemand in vnbillich weg nit beswert vbergriffen noch von alter billicher gerechtikeit entsetzt wurdt, darum verhorung auffzunemen vnd nach billichem zuhan- deln zwischen den hochgebornen Ernsten vnsern vnd des heiligen Romischen reichs ertzmarschalh vnd Albrechten gebrudern hertzogen zu Sachßen je. vnserm lieben oheim curfursten vnd fursten, den die gemelt statt Lyptzk zugehört, vnd den ege- nanten von Halle auff vnser lieben frawen liechtmeßtag nechst vergangen tag für vns gesatzt haben"), den die obgenante von Halle gehorsamlich besucht vnd'ir alt herkommen vbung vnd geprauchung des gemelten iarmarckts, auch freiheitten vnd bestettigung in von vns, vnsern vorfarn vnd dem heiligen reiche darüber geben fiir- bracht vnd mcrcklich beswerung, so in durch das furnemen des iarmarckts bey euch dawyder vnderstanden zugezogen werd, scheinbarlich vnd clerlich zu erkennen gege ben laßen haben. Wann sich nu nyemand dem ändern sein iarmarckt zunemen, denselben zu schaden vnd abgang ander aufzurichten vnd an altten herbrachten gerechtikeiten zuuerhindern, noch vnser keyserlichen maiestat solichs zuzelaßen oder zu gestatten geburt, auch durch die gemelten vnser keyserlichen freyheit vnd gebott brieue deßhalb außgegangen vnser keyserlich meynung vnd wille nie gewesen vnd noch nit ist, das die yetzgenanten von Halle deshalb des gemelten irs alten herbrach ten iarmarckts vnd gerechtikeit entsetzt vnd mit newen fürgenommen iarmerckten in zuuerhinderung schaden vnd abbrach derselben irer iarmarckt vnd gerechtikeit also beladen vnd beswert werden sollen, darumb aus gutter bewegnüß vnd schuldi ger pflicht vnser kcyserlichen maiestatt so haben wyr mit wolbedachtem mut, guten ratt vnd rechter wissen solich vorgemelt furnemen des gemelten iarmarckts bey euch türgenommen vnd was bißher darauff demselben iarmarckt zu besterckung durch vnser keyserlich maiestatt oder ymands ander mit brieuen gebotten oder in ander- wegk bescehen were oder wurt. auß was vrsachen oder scliein sich das begeben hat oder mocht, gantz auffgehabt widernifft vernicht vnd abgetan, also das solichs ferrer in einich weise nit gebraucht geübt oder gehalten werden, sonder meynen vnd wel len von vnser keyserlichen macht, das die egenanten von Halle bey irm vorgemelten alten herbrachten iarmarckt vnd gerechtikeiten bleyben. die haben nutzen nießen vnd gebrauchen sollen vnd mugen von euch vnd allermenniglich vnuerhindert. Vnd gebieten euch darumb von obgemelter vnser keyserlichen macht, auch verliesung ewr

a) Pin Aufforderung ilo.i Kruflurn .111 den Kath von Hülle, eine Botschaft mit l/ntcrweiöiiiip wegen ihre.s Jahrmarkts auf Sonn tag nach Liclitmess an ihn abzuwenden, d d. Gretz Samstag v. S. Jacobstag UIW hei v. I)rcyhaii|it S. HO.

357

gnaden freyheiten leben vnd gerechtikeiten, so ir von vns vnd dem heiligen reich oder ymands ändern habt, vnd dar/u eyner pene nemlicb hundert raarck lottigs gol- des halb in vnser keyserlich camer vnd den andernhalb teyl den obgenanten von Halle als beschädigten vnableßlich zu bezalen ernstlich vnd vesticlich mit dißem brieue, das ir furderlich vnd on alles verzihen nach antvvurtung dis brieues solich egemelt furnemen des vorberurten vermeinten newen iarmarckts bey euch zu Lyptzk zn haben vnderstanden, auch yetzgemelt vermeint gebott vnd handlung darauff bescehen abstellet, der ferrer nicht vbet noch gebrauchet noch ändern zetun gestattet, sonder die egenanten von Halle bey irm egemelten iarmarckt vnd herbrachten gerechtikeiten gerulig on irrung vnd eintrag bleyben, den als von alter herkomen ist allermenick- lich suchen vnd gebrauchen laßen vnd sy noch ander daran nit beswern noch bekum- bern in einich weise. Daran thut ir vnser ernstlich meynung vnd gut geuallen. Dann wo das also nit beschehe, so wurden wyr darumb vmb vberfarung der vor berurten pene vnd in anderwege wider euch furnemen handeln vnd ergen laßen, als sich in solchem geburt; darnach wißet euch zu richten. Geben zu Gretz am funff vnd zwentzigisten tag des monads May'nach Cristi geburde vierzehen hundert vnd im newn vnd sechtzigisten, vnser reiche u. s. w.

v. Dreyhaupt Beschreib, d. Saalkreises S. 444 nach dem Transsnmt des Frohstes vom Kl. Neuwerk v. 23. Aug. 1469.

Das Schreiben des Kaisers an Kurfürst Ernst und Herzog Albrecht gleichen Inhalts und zum grossen Theil gleichen Wortlautes hei v. I)reyhaupt a. a. 0. S. 443.