No. 408. 1466. 3. Nov.

Anno et die quibus supra haben die opgnantin drie rethe gerathslaget vnde einen mercklichen handel gehabt vnd gehalden alßo vmbe den byerkellir, doran denne der statt, dem rathe vnde der ganczen gemeine große trefliche macht gelegen ist, vif das sollich keller hynforder yn guten stantt vnde wesin gehabin werde, so er denne von den alden selligiß gedechteniß mit großem vleiß vnde uffsehen ist gehal den worden, vnde die rethe habin eyntrechtig beslosßen, das eß nuforder alßo sall gehaldin werdin, das nymants yn der statt, er sei Student burgir addir gaßtt, key- nerley fromde noch vßlendissche bier, daß er andirs wo gekouft hette, nicht sall • erhyn yn die statt füren noch brengen lasßin, eß sal ouch durch den burgirmeister noch den rath nymande erhyn zcufurne vorhängen noch zcugegebin werde widdir zcu wertschaften hochcziten, noch zcu ersten mesßen, noch zcu keynerlei sachin, eß were denne daß einem burgire vngeferlich zcu synen eren addir wertschafften addir hochcziten eyn vaß fromdes bier geschankt wurde, denne vnde sust nicht so möchte er daß lasßen heryn füren, doch daß er das thete mit willen wisßin vnde gunst eyns burgirmeisters, der zcu der czit syn wurde, vnde daß er dem bnrgirmeistere bei sinen waren worttin sage wurde, das öm sollich bier geschankt were vnde daß er daß nicht gekouft noch kouffen hette lasßin addir öm zcukouffene bestaltt; so om denne daß der burgirmeister irloube wurde, mochte er daß zcu siner wyrtschafft erhyn füren lasßin, alßo doch das sollich bier dem rathe vorslegeschaczt vnde vor rechtet würde, dor nach syn vil addir wenigk were, also das man gebe von eynem vasse X gr. der besten were, item von eym vertu V groschin- der höchsten were vnde von einer thonnen III gr. der bestin were. Yn sollicher maße sall eyn iczli- cher, der do fromde bir wil heryn füren vnde deme das geschankt wert, deme rathe vorrechtin vnde vorslegeschatczen, abir sust gekoufft bier sall nymandes herynfuren noch breiigen widder zcu hochcziten noch sust, sundern wer do bier habin wil zcu synen wertschafften, der magk sich deß ym rats kellir irholen vnde dor ynne neh men. Vnde uff das nuforder alßo feste gehaldin werde, so haben die rethe den thorwerthern allen vnde iczlichim yn besundirheit befolen, eyn gut vleisßigk uffsehin zcuhabene uff die wayne vnde uff die fuhirlüte, die do zcugecziten sollich fromde bier heymlich vnde vorborgen yn die statt brengen :c.

Nach dem Rathsbuck fol. 9b im Archiv des K. Bezirksgerichts zu Leipzig.

•