No. 501. 1479. 15. Apr.

Der rat hat Anthonius dem marcktmeister die X acker artlandes vnde den weßefleck . hinder der zigelschwnen vor sant Petersthore gelegen, als der rat mit der zigellschwnen vnd leymgruben von der eptischen vnd dem closter zu sant Jörgen vmbe ein ierlichcn zinß nemlich vmbe II ß erblich angenommen hat"), forder vormyt vf newn iar vnd sall dem rate ierlich vi' Martini da von geben I ß silbern montz vnd sall wol zusehen, das der santwerffer Bartel Hofe- mann den leymen vnd sant nach rate nutz vnd fromen des rats werffe. Im sall auch der zinßs die IX iare nicht geringert werden, ab wol dem acker vonn dem santwerffen abegehen wurde. Er sall auch alle iare dem rat XX satz weyden setczen, vnd wanne die aufkomen, so sal der rat der gebrauchen vnd die hauwen lassen. Actum 5a feria pascae anno ac. LXXIX.

Item der rat Bartell Hofemann die santgrubcn vormyt des iars vmbe XX gr., die er dem rate davon zu zinße geben sall, vnd sall den sant werfi'en vnd von einem fuder, das vier pferde füren, nicht meher danne ein halben gr., vnd von einem, das III ader zwey pferde füren, III CS. nehmen, vnd sall der gemeynen den leymen vmbe sust graben vnd geben.

Nach dein Rathsbuch fol. 154>> im Archiv des K. Bezirksgerichts zu Leipzig.

a) Vgl. die Urk. v. 1. Nov. 1479 (No. 607.)