No. 110. 1396. 25. Mai.

"

Wir Johannes Alberni burgermeister, Hinrich Hunlebin, Otte Crucziger, Hans von Holczhitsen, Hans Hüter, Hinrich Czoymer, Ditherig Bug, Ditherig Pincz, Di- therig von der Peßin, Nickel Rudenicz, Nickel Stuys vnd Frenczel Czochir ratislute bekennen, daz getedinget ist vnd wir getedinget habin czwuschen Johanse dem alden stadschriber vnde Johanse schriber vnd sie gütlich vnd fruntlich entsaczt vnd ent- richt habin vmb alle sachin vnd gescherte, welcherleie die mögen gesin, die sie mit ein ander vor der geselschaft, in der geselschaft vnd nach der geselschat't gehat habin, also daz Johannes schriber vnd alle sine erbnernen alz verre sin erbe wendet sollen gebin vnd reichen Johanse dem aldeu stadschriber die wile daz er lebt alle iar uff sente Michelis vier schog Fribergischer gr. czu sine r czerunge hülfe, vnd darczu hat Johannes schriber dem grumten Johanse alden stadschriber gegebin vol vnd al beczalt nunczig schog Fribergischer groschen vnde vir schog gr. vnd ein halb fuluordes tuch. Mit desen vorgnanten librenthe groscheu vnd gewande ist Johannes schriber von dem aldin stadschriber egnant genczlich entbrochen vnd entlediget aller geschefte vnd sachin, dye sie y mit einander gehat habin welgerleye die gewest sin. Dis ist gescheen nach Cristi gebort driczenhundirt am sechs vnd nunczigisten iare am dunrstage in der phingisten.

Nach Barthel's vermischten Nachrichten von Leipzig fol. 72 im Rathsarchiv zu Leipzig.

— 69