No. 151. 1426. 21. Mai.

Catherina herczoginne zcu Sachsen vnde marcgrauinne zcu Missin. Liebin getruwen. Wenne die ketzer vor der Lype legen vnde vns wäre warnunge körnen ist, das sie von dannen vor die Stadt Awsßk rücken vnde die belegin wullen, die wir mit der hulffe gotis meinen zcu- rettenn, dauon begern wir ernstlichin, das ir uch mit allen dingen darnach richtet, wenne wir uch andirweit botschafft thun werden, das ir vus denne mit ganczir macht folgit, vnde sumit damitte nicht; vnde uch ouch doruff richtet, das ir etwas geharren mogit, vnd du voit daz vnsern manne in diner pflegen vorkuudigist, daran tut ir vns zcudangke. Ouch begern wir, das ir czußehit, wen ir in uwir stadt laßet, wenn er Busse") gestern einen gefangen hat, der von den ketczern gesandt was, Friberg zcubeßehinde, wo is am allirbesten were. Gegebin zcu Missin am dinstage in den pfingist heiligen tagen.

Dem voite vnde rate zcu Lipczk vnsern libin getruwen.

a) von Vitzthum.