No. 378. 1464. 28. Nov.

Wir von gots gnaden Ernst des heiligen Römischen richs erczmarschalg kur- furste vnd Albrecht gebruder berczogen zcu Sachsen etc. bekennen —. Nochdem vnd als die ersamen wiesenn burgermeister ratmann vnd gancze gemeyne vnser stat zcu Lipczk vnser lieben getruwen vff hüten datum dißs brieffs vns eyne rechte erbhuldung globt gesworn vnd darnoch gebeten haben, yn ire altherkommene friheite gewonheite vnd gerechtikeit zcuucrnuwen vnd zcubestetigen, sie auch dabie zcubehalten vnd zcu- bliben laßen, inmaßen yn die vormals von vnsern vorfarn alteldern vnd von vnserm lieben herren vnd vater zeliger vnd loblicher gedechtniße gegeben vnd vorschriben sind wurden, also haben wir angesehen ire gutwillichkeit auch vlissige vnd billiche bete, vnd yn zcu vffkomen vnd gedienn derselbenn vnser stat solche ire alther- komoade lobliche vnd czyrnliche friheite gewonheit vnd gerechtikeit vornuwet vnd bestetigt, vornnwen vnd bestetigen yn die auch also geinwertiglich vnd gnediglich in vnd mif crafft dißes briues, die also vorbaß mehir zcuhaben, der noch lute der ver- schribungen yn vormals darüber von vnsern vorfaren vnd eidern gegebenn vnd auch noch altherkomenden löblichen vnd czymlichen gewonheiten zciigebruchen vnd zcu- genißen vnd keyne nuwekeite darinne vfftzubrengen, sunderu domit zcuhalden inma ßen bißher gescbeen ist, dobie wir sie hanthaben behalden vnnd hüben laßen wollen glicherwiese als ander vnser stete eyne, doch vns vnsern erben vnd nochkomen

310

vnschedelichenn an vnsern herlikeiten friheiten gerechtikeiten vnd nutzungen, so wir vff vnd in derselben vnser stat bie yn haben allis angeuerde. Hiebey sint gewest vnd getzugen Hugolt von Slinitz vnser obermarschalg, er Hans von Maltitz rittet, Nickel Pflug, Johannes Statschriber vnser cantzler, Hans Metzschs vnser vndermar- schalg, vnser rete heymlichen vnd lieben getruwen vnd ander vnser manne vnd die- ner gloubwirdiger gnug. Zcu orkunde haben wir hertzog Ernst vnser insigel an dißen brieff wissentlich laßen heiigen, des wir hertzog Albrecht mit gebrachen. Ge geben zcu Lipczk am initwochen noch Catherinae virginis noch Cristi vnsers herren geburte tusent vierhundert darnoch im viervndesechtzigsten iaren.

Nach dem Orig. im Rathsarchiv zu Leipzig mit dem Siegel des Kurfürsten au einem Pergamentstreifen.