No. 430. 1469. 17. Juni.

Vff hewt sonnabent anno quo supra nach sant Veitztag sint alle drey rete vnd die eldisten zcusampne körnen vnde merglich bewegen, was vnrats der stat von alle den ihenen, die burger werden, sich nicht besetzen, handel vnd narunge glich besessen burgern treyben, aufferstehe, vnnd darvmbe eyns wurden vnd eynmutiglich beslossen, wollen das auch vestiglich gehalten haben, das nu zcufurdern zceyten nymants, wer der sein wurde ader welchs hantwergks ader stants er were, der sich in disse stat wenden, burger werden vnd sein narunge mit handeln vnd wandeln herinne suchen wolde, mit nichte noch anders vffgenomen werden sall, er sage denne dem rate glewblich vnd mit waren worten zcu, das er sich in iar vnd in tage nid- dersetzen behußen vnd behofen wil, vif das er ein hußbeseßner burger werde mit eygener erbeschafft, vnnd daruff möge er sich neren, handelen vnd wandelen als ein burger; wer do aber burger wurde vnd sich bynnen iare vnd tage als obgemelt ist nicht besetzte behußte adder beerbte, der sall noch ußgange iaris vnd tage nymmer

360

fur ein burger gehalten werden, auch sein burgerrecht verloren haben vnd dorait gantz abesein. Vnnd vff das sich ein yderman darnach halte, so sall ein itzlicher burgermeister zcu seiner zeit ein solchs alle den ihenen, die bürgere werden wollen, zcuerkennen geben vnd furhalten, auch vestiglieh in ire eyde bynden, dorait sich ein yderniau darnach gerichten vnd fur schaden bewaren kan. Factum sub Hansen Trupitz proconsule et suis consulibus anno et die quibus supra.

Nach dem Rathsbuch fol. 70b im Archiv des K. Bezirksgerichts zu Leipzig.