No. 498. 1478. 14. Jan.

Von gots gnaden Ernnst kurfurst :c. vnnd Albrecht gebrudere herczogenn zu Sachßnn, lantgrauen in Doringen vnd marcgrauen zu Meisßnn.

Liebenn getrauwenn. Wir werdenn berieht, das die ordenung vnd sacczunge, so ir der cleidung hochzcit vnnd ander halben uf vnnser geschefte in vnnser stat vnder den burgernn bei uch gesacczt vnnd gemacht, auch ander ordenung vonn eccz- lichenn bey uch voracht vnd gröblich obirfarnn, das vonn uch nachgelaßnn, das vnns, so das gescheen, vnnd das ir uch an dem gewannt hawße, das ir vorzceiten mit vnnser gunst willen vnnd bef'ehl zcubawen furgenomen, zcubawen gar leßlich irtzeigt habt, das vns nicht vnbillich befremdet, so wir denn befundenn, das sich die mergkte vonn den gnaden gots vonn iare zu iare bessern, deßhalben sulch haws notdurft ist, vnns vnnd gemeyner Stadt, so das gebauwet wurd, merglicher nuccz dor aws ervvachßin mucht. Dorumb ist vnnser ernnste begerung, das ir obir sollicher ordenung vnnd saccziing, so ir uf vnnser befehl vormals gemacht, vnnde aller ander ordenung vnnd sacczunge, die vor alder vnnd lobelich herbracht seyn, vestiglichenn haldet vnnd ernnstlichenn straffet, dor inn nymafliits, obir den ir pillich zcugebitenn habt, verschonet; vnnd ap die buss vormals vonn uch uf sollichs gesacczt zu geringe were, so wult die erhohen vnnd wie vor der gemeynn zngut ernnstlich nehmenn, nf das sollich ordenung sacczung deste sorgfeldiger vnnd vleißiger gehaltenn werdenn, wenn wir in vnnser regirung vnnd allen den vnnsern ordenung wollen gehabt haben, dadurch mann eynen stannt vor den andernn, alßo das herkomenn, auch billich ist, erkennenn vnnd haltten muge, vnnd das durch solliche boze hoffart vnnd vnerkennt- ligkeit der lewte der almechtig got nicht erzcornnet, dodurch wir seiner grundeloßenn gute, die er vnns vnnd allen den vnsern in vnnserm regimennt in allen stuckenn so mannichfeldiglich mildiglichenn vorlihenn vnnd gegebenn hat vnd teglichenn thut, des wir vnnd die vnnsernn pillich erkentlich vnnd dangbar sein, nicht entzogenn vnnd derhalbenn in sein straffung komenn dorffenn; vnnd das ir das angehaben haws zcu dem hanndel notdurftig an allen abbrach ufs furderlichst das vmmer gesein kan mit gancczem vleißs aufbrenngit vnd bereitet, als ir das wol gethun könnet. Vnnd uf das ir sollich liaws deste statlicher vnnd furderlicher bereitenn muget, so ist vnnser begerung, das ir allen burgernn bei uch saget, das sie sich mit oren gebewdenn diß künftig iar vnnd so lannge bis das ir das haws vorbringt enthaldenn, vnnd allen zcigel, den ir kont gemachen vnd in uwirn offen gebornen lassen, zcu nicht annders komenn lasset, sundern den alleyne zcu bauwunge des hawses gebraucht, bis das ir das hawß bereitet. Euch in den allen gehorßamlich vnnd vleissig vnnd nicht sewmlich vorinerckenn laßnn, ist vnnser ernst meynung, wollen das vonn uch

417

bey vormeydung vnnser sweren vngnad nicht annders gehat haben n; kompt vnns von uch zcu gutem danck. Gebenn zu Dresdenn am mitwoch Felicia in Pincis anno domini je. septuageaimo octavo.

Dem rate zw Leiptzk vnnsernn liebenn getrauwenn.

Nach dem Concept im K. Haupt-Staatsarchiv zu Dresden.

Ueber das im J. 1481 erbaute Gewandhaus vgl. Vogel Leipz. Chron. S. 166.