No. 109. 1396. 11. Apr.

Wir Wilhelm von gots gnaden marggraff zu Meyßen, in dem Osterlande vnde zu Landißberg, lantgraff in Doringen vnd phalczgraff zu Sachssen bekennen —. Wan die erßamen vnßr üben getrewen Jan von Schlawticz, Otto Kreuziger vnd Lorencz von Brandis burger zu Leipczig ein holcz genant das Niderholcz, gelegen gein dem Steinberge"), das formals gen Brandis gehört hat, das sie von vns bis her zu leben gehabet haben, zu dem hospital sant Johannes vor dem Grimmischen thore vor Leipczig gelegen durch got gegeben vnd das vor vns auffgelasen vnd sich des genczlichen vorczigen haben vnd vns inniglichen gebeten, das wir dasselbige holcz zu dem hospital furder eygen vnd geben woltten, darvmb haben wir dem almech- tigen gote, seiner üben muter sant Marien der reinen iungfrawen, dem heiligen hern sant Johannes vnd allen gotes heiligen zu lobe vnd zu eren, vnßr eidern, vnßer vnd aller vnßer nachkommen seien zu trost vnd zu seylikeit nu dasselbige holcz mit

a) Die bei dem Dorfe Klei n.Htei n bc rg, südlich von Brandis, gelegene Anhöhe.

9*

68 —

allen zugehorungen zu demselbigen hospital saut Johannes vor Leipczig geeygent vnd gegeben, alzo das der burgermeister vnd burger zu Leipczig vnßr üben getra- wen, die iczunt seint ader hernach kommen werden, dem holcz von des hospitals wegen vorstehen vnd den hospital damit enthaltten sollen ane vnßr, vnßer erben vnd aller vnßr nachkommen hinderniß, vnd eygen vnd geben auch das obgeschriben holcz von vnßr fürstlichen gewalt gnediglichen mit disem brieffe zu dem egenanten hospi- tall —. Des zu eime vrkunde vnd ewigem bekentniß — haben wir vnßr insigel wissentlichen an disen brieff lasen hengen. Hie bey seint gewest vnd seint geczeu- gen der edele vnd die gestrengen graffe Gunter von Schwarczpurg, herre zu Ranis, her Offe1) von Sliwin, er Otto Pflug, er Conrad von Kokericz vnd andere leute gnung den wol ist zu glawben. Ueben nach gotes geburth dreyczenhundert iare darnach in dem sechs vnd neunczigsten iahre an dem nehesten dinstag nach dem sontage als man singet nach ostern Quasimodogeniti.

Nach einer Abschrift aus dem IG. Jahrh. im Rathsarchiv zu Leipzig.

1) Orig.