No. 254. 1448. 7. Dec.

Als in der fnrsten spräche von des zcolles wegen, den vnser gnediger herre herczog Wilhelm von dem Nuwenburgischem hier nympt, vßgesaczt ist, wann die von Lipczk bie hrengen, des zcum rechten gnug sey, das sie gefryet sin, dadurch sie sollichen zcol nicht geben sullen, so blybe es billich daby, vnd als die von Lipczk vff sollichs einen briff von den fursten beiden vnsern gnedigen herren furbracht haben, von yn von der cziese wegen ußgegangen für cziiten, do sie vngcteilt gewest sin, dorynn sich die fursten vorschriben, das sie Iren landen keyn nuwekeit machen sullen, dorynn doch die von Lipczk noch auch der obgnante zcol in sunderheit nicht bestymmet noch gerurt sin, vnd über denselben briff der zcoll von vnsern gnedigen Herren beiden den fursten die zciit weil sie vngeteilt gewest sin doch ingenomen vnd vnserm herren herczog Wilhelm in der teilunge für ein zcugehorung gegeben ist, vnd nicht allein in sunderheit von den von Lipczk, sundern von menniglich, der sich des bierfurens gebruchet, genomen wirdet, vnd als von vnsers gnedigen herren herczog Wilhelms fursprechen gerett ist, das sich die von Lipczk sollicher friheit, ab sie anders für eyn friheit solt geczalt werden, missebnicht haben, dorumb das sie sidder desselben brieffs einen gnadenbriff von beiden obgnanten fursten vnsern gnedigen herren genomen haben, dorynn sie ir gnade sollichs zcolles biß uff yr widerruffen gefryet hatten, dorumb sie danne vier schock in die canczlien sollen geben haben, des dann die von Liptzk nicht gelcuckenet ader widersprochen haben; durch der vnd ander vrsachen willen, die von vnsers gnedigen herren herczogen Wilhelms wegen furbracht sein, sprechen wir mitnamen Conrat zcu Bappenheim erb- marschalgk je. hofmeister, Petrus Knorre doctor je. probst zcu Wepczflar, Bartholo- meus von Bibra obermarschalgk, Fridrich von Wiczleuben, Bernhard von Kochperg, Hans Schencke rittere vnd Kirstan vom Hayn rete vnsers gnedigen herren herczogen Wilhelms obgnant zcum rechten, das die von Lipczk nicht gnügsamlich furbracht haben, dorumb sie des obgemeldten zcolles sullen ledig vnd vertragen sin, vnd geben zcu bekentnisse dißen vnsern spruch mit vnsern Bartholomeus von Bibra vnd Bernharts von Kochperg hiran gedruckten insigeln, der wir ändern hirczu mitgebruchen, versigelt vff sunnabend vigilia conceptionis Mariae virginis gloriosae anno domini je. XL octavo.

Nach gleichzeitiger Abschrift auf Papier im K. Haupt-Staatsarchiv zu Dresden.

COD. DIPL. SAX. II. 8. 25

194