No. 417. 1467. 19. Dec.

Sabbato post Luciae LXVII0 in praesentia trium consulatuum von corn weg fuhren, item von kornkouffe.

Es hat an die rethe gelanget, wie die fromden fuhirluthe, die do vß ändern stetin herkommen, daß broth bei gantzen fuhern hynwegk füren, das der gemeyne großin schaden brenget, ouch in der gemeine groß geschreye machet. Also habin die rethe iung vnde alt beslosßin vnde nach den vir beckermeistern gesaut vnde yn gesaget vnde von der rethe wegin geboten, daß nuforder keyn beckir keynem fuhr manne keyn broth uff nicht vordyngen sall, ouch kein broth nicht bei fuhern hyn- wegk laden bei einer büße eynß guten nuwen schogks, so offtmalß die becken eynß addir mehir obirtreten vnde nicht halden würde. Es wollen ouch die rethe also ernstlich gehalden haben vnde von wellichem ein solliches obirgriffen wurde die opgeschrebene büße vnuorschonet nehmen. Vnde dicz ist von den reten allin ewig also zcuhalden eyntrechticlich beslosßen.

Item es sal nymant körn weyße addir hafern vorkouffen, es sei denne das ym sollich körn selbir gewachsen sei, so mag er es ouch fromden fuhirlütin vor kouffen; deß glichen sal man ouch an gersten koufe halden. Ouch sal kein burger gerste kouffen vnde selbir hynwegk füren uff gewyn vnde abenthüre, vnde wer daß obirgriffen wurde, daß der rath ynnen wurde, der sal dem ratlie gebin zcubuße eyn schog der bestin möncze; vnde app der rath dem vorköuffere deß nicht gestehen weide, das im das körn seibist gewachßen were, so sall der vorkouffcr sich deß uff den heiligen rechtfertigen vnde irhalden, das im daß körn selbst gewachsen were, adder app der vorkoufer daß nicht thun weide, so solde er gliche wol deme rate zcu büße eyn schog der besten möncze vorfallen sei.

Nach dem Rathsbuch fol. 26 im Archiv des K. Bezirksgerichts zu Leipzig.

347