Xo. 484. 1475. 5. Sept.

Von gots gnaden Ernst kurfurst vnnd Albrecht gebruder hertzogenn

zcu Sachsßenn je.

Lieben getruwen. Nachdem vnd als wir vch furmals des begrebnisse halben geschreben, entpfolen vnd geboten habenn, das kein vorsteter vnd die von den dorf fern, die in die pfarkirchen gein Leiptzk gehören, in der Stadt, sundern an dem ende

407

für der Stadt darzcu geordent vnd geweyhet solt begraben werden, verstehen wir, das sich des etzliche obir solche vnsere ordenunge vnd gescheffte widdersetzig vnnd vngehorsam ertzeigen, das vns nicht enwenig befremdet. Begern dorvmbe von vch ernstlichen, das ir vnsern forigen schriiften nach obir solche vnsere ordenunge vnd geschefften haldet, das den alzo nachgegangen vnd hinfur keyn todt corper, ane vff der Hellischen brücke vnd Nuwestrasße, vß den fursteten vnnd dorffern in vnser Stadt vff den kirchhoffen, sunder für der Stadt an dem ende darzcu geordent begra ben werde. Vnnd ap sich in dem ymandes widdersetzig machen, sich an vnsere ordenunge nicht keren vnd die vorachten, den ader die dorvmbe in straffunge nemet vnd des in keinerweiße anders haldet bie vormydunge vnnser vngnaden; kompt vns obir ernst meynunge zcu dancke. Geben zcu Schelbergk am dinstag noch Egidii

anno je. LXX quinto.

Dem rate zcu Leiptzk vnsern lieben getruwenn.

Nach gleichzeitiger Abschrift im Rathsarchiv zu Leipzig.