,JSo. 340. 1459. 4. Dec.

Friderich von gots gnaden je. Lieben getruwen. Uff uwer anbrengen an vns am nehsten zcu Liptzk uch zcuuorgunnen, das ir mit ändern vnsern steten in furstentenis gehn mochtet der ladung für die heymlichen ußlendischen gerichte zcu Westfal uch uffzcuhalden, das wir uch uff dißmal zcutun vergunnet haben, also bli- bet vnser meynung noch also mit dem vnderscheyde, das sulcher yngang durch uch vnd ander vnser stete ane vnsern schaden vnd one vorkurtzung vnser gerechtickeit geschee vnd das wir von der obirhandt, durch vnser lande vnd furstenthumb zcu richter doruber ader wen wir dorzcu benennen, richter von vnser wegen zcu sin, gesatzt werden, zcugehe, mit ander notturfftiger Versorgung, zcu entladung vnrats, der sich mochte begeben. Dobie gute vorsichtickeit ankeret, das kompt vns von uch zcugutem dancke. Geben zcu Turgaw am dinstag Barbarae virginis anno je. L nono.

Commissio domini ducis propria.

Dem rate zcu Lipczk geschriben von der ußlendischen gericht wegen.

Nach dem Cop. 45. fol. 50 im K. Haupt-Staatsarchiv zu Dresden.