No. 200. 1439. 6. Jan.

Ich Hanß Seigericz meteburger czu Lipczk, Andres moller czu Segericz, Mar- garetha Andres Segeriez eliche wirtynn bekennen semptlichen in dissem vnserm offin- briue vor vns vnde alle vnser erben erbnemen vnde nachkomelingen, daz wir recht vnd redelichen mit gutem wolbedachtem muthe vnde mit willen vnde wissen vnser fr finde des abegekoufft habin der wirdigen frouwen frouwen Anna von Ileburg epti- schynn czu Suzelicz, Elizabcth Slyben vicaria, Margaretha Slyben, Margaretha Kü- neke vnde Margaretha Meydeburg dy eldisten vnde der gantczeu sammeimnge gemeynlichen vnde er Mathias Döring minister czu Sachßen vnde doctor der heiligen schrifft, bruder Nicolaus Cleyne gardian vnde vorweßer, Petrus Jhencz mölmeister czu Lipczk, bruder Günther Fischer vnde bruder Johannes Luticz vnser bichtiger czu Süzelicz vnde er_ Pauwel Polan vicegardian, bruder Mathias Bontcz koche- meister vnde Cristoffel von Schoneberg vnser voyt czu Suzelicz eyne möl gelegen vor Lipczk hinder den Barffosen, douor wir gegebin vnde wolbereid beczalt habin dem closter Suzelicz hundert schog guter groschen nuwes geldes, sulche möl wir denne czu rechtem erbin von dem closter Suzelicz uffgenomen habin vnd erblichen nemen czu lehen also erbgutes recht ist, mit sulchem erbczinße ierlichen czu reichen, czu czinßen vnde zcugebin dem closter zcu Suzelicz nühen schog groschen nnwes geldis Fribergischer möncze lantwere, nemelichen uff sente Walpurge" tag fumfftehalb schog groschcn nuwes geldes schirstkommende, dornach uff sente Michaelis tag fumfftehalb schogk groschen nuwes geldis lantwere. Ouch bekennen wir obgnanten Hanß Segericz, Andres vnde Margaretha Andres wip, das das closter behelt vßge- czogen vnde genomen had obirste vnde nederste gerichte czu habin glicherwieß, also das closter vor sulch gerichte gebracht vnde bißher gehat hat in sulcher möl, sul- ches gerichtes sal ich Hans Segericz vnde Andres Segericz, alle vnser erbin erb- nenien vud nachkomelingen nu hinfort alz von des closters wegin Suzelicz richter zcu syn, als von der guter wegen gerichte vnde lehen, wo dye vor Lipczk gelegen sint, dy° getruwelichen zcuuorweßin vnde zcuuorstehin so vordirst wir mögen bie vnseni guten truwen dem obgnanten closter zcu gute in aller weiße vnde moßen, also andire mölmeister alz von dez closters wegiu vorweßt vnde vorstandin habin.

149

Uuch gelobin wir obgnanten Hanß Segericz meteburger czu Lipczk, Andres eyn moller czu Segericz, Margaretha syn euch wip vor vns vnde alle vnser erbin erb- nemen vnde nacbkommelingen, wenne eyn gardian vnde vorweßer czu Suzelicz addir des closters anewalden addir gesinde alz von redelichs geschefftes wegin kommen uff dye rnöl ken Lipczk von des closters wegin, den seibin ußrichtunge zcuthun mit spiße essen vnde trincken, dorczu haffern vnde futer den pferden zcu gebin nach mogelichkeit, als vor alders by eynem mölmeister geweßt ist. Ouch bekennen wir obgnanten in dissem vnserm offinbriue vor vns vnde alle vnser erbin erbnemen vnde nachkömelingen, [daz wir vns] vorwillet vnde vns vorschrebin habin in dissim offin briue nach vnser dryen personen, obgnanten Hanß Segericz, Andres Segericz, Mar garetha Andres wip, [ab wir] abe gingen vnde vorstörbin, das got lange zciit wende, so sal eyn iglich erbneme, der dy möl besiczczen gebruchen vorkouffen addir ynne habin wil, czu lehenwar reichen vnde gebin dem closter Suzelicz czehin Rynische gülden vnde nicht mehir, gut am golde swer gnug am gewichte, nach ynhaldunge des kouffes vnde brines, den wir von des obgnanten closters mete ynne habin, vnde erblichen zcu leben uff nemen von eynem vorweßer des closters zcu rechtem erben also daz gewonheit ist. Sunder gelobin wir, ab wir addir vnser erben erbnemen vnde nachkömelingen dy obgenante möl in sulchem buwe nicht behilden nach ferti gen weidin, douon dem obgenanten closter sulche renthe iarczinße vnde gerechtigkeit mochten abegehen, so sullen vns vnde eynen iglichen erbnemen addir nachkömelingen des obgenanten closters vorweßer dorzcu brengen vnde twingen nach des closters besten, des wir vns in keynerley0 Sachen schutczen nach weren sullen vnde ouch keyne behelffunge zcunemen. Ouch bekennen wir drey obgnanten personen, Hanß Segericz, Andres vnde Margaretha, daz wir rechte vnde redeliche erbholdunge gethan habin [dem] vorweßer des benanten closters vnde thun yn crafft disses briues, gantcz getruwe zcu syn also eyn iglich bederman synem rechten erbherrn von rechtis wegin pflichtig ist, vnde gelobin das stete vnde gantcz zcuhaldin by vnsern guten truwen. Bye sulchem kouffe, Sachen vnde teydingen sind gewest dy ersamen vnde wißin bruder Jörge vom Ende gardian zcu Lipczk, dorczu Stephan Stiieß, Rynhart Golt- smed, Hanß Knappe, Conrade Wagmeister vnde Nicolaus Becherer meteburgere czu Lipczk. Des zcu mehir Sicherheit vnde bekentniße habin wir obgnanten Hanß Se gericz, Andres vnde Margaretha gebetin dy° ersamen vnde wißin obgnanten bruder Jörge vom Ende gardian czu Lipczk, Stephan Stfteß, Rynhart Goltsmed, Hanß Knappe, Conrade Wagmeister vnde Nicolae Becherer iczlicher syn ingesegil vns zcu gute vnde zcu fromen vnden an dissen vnsern offinbriue gehangen; sunder habe ich Hanß Segericz ouch myn ingesegil mete angehangen vnden an dessin brieff, daz ich Andres Segericz vnde Margaretha mete gebruchen, vnde bekennen, alle stucke artiklen vnd puncten obinberftret vnde geschreben gantcz vnde stete zcuhalden by" vnsern guten truwen, vnde keynerley0 doryn zcu reden nach zcu wedir sprechen, nach öbir dessen brieff zcu artikeliren laßen wir obgnauten Hanß Segericz, Andres vnde Margaretha, alle vnser erbin erbnemen vnde nachkommelinge, sundir deme obgnanten closter syne iarczinße renthen vnde gerechtigkeiten fruntlichen vnde gut lichen gebin vnde reichen wellen vnde sullen vnde dorubir keyne behelffuuge nach

150

ändern schutcz zcunemen by° vnsern guten truwen. Gegeben nach Cristi gebort tusent iar vierhundert dornach in dem nüenvndedrißigisten iar am dinstage der hey- ligen dryekonigen tage.

Nach dem Orig. im K. Haupt-Staatsarchiv zu Dresden mit den Siegeln des Gardians, der fünf Bürger und des Müllers Hans von Segeritz.