No. 347. 1460. 15. März.

Anno domini :c. sexagesimo sub proconsule Hannße Tommel et suis consulibus ist vor den rat kommen meister Wittiche Smed vnde hath dem rathe irczeigt vnde vorgehaldin einen briff inhaldenn, das er Albrecht von Lindenaw vnde Hans von Lindenaw syn bruder om vnde Margarethan sinem elichin wybe gelegin habe sechs acker holcz vnde wißen hinder Lindenaw £• gelegin. so das eß noch or eins tode uff das ander solle kommen :c. vnde hath doselbst vor dem rate mit fryhim wolbedachtem mute vßgesagt vnde bekant in keynwertikeit Gunter Goltslegers, Nickel Wolffs, Jacoff Snydcrs, Haunßs vom Hayne, Matteß Henneis meister der schutczen, das die selbige weße vnde holcz syn nicht en ist noch syns wybes, sunder das on beiden solliche weße vnde holcz alleyne zcu getruwer hanth gelegin vnde von der geselschaft der schutczen derselbigin geselschaft zcugute zculyhen vorgunst, vnde das sollch holcz vnde weße der gesel schaft ist obgnant, darane er sunderlich kcyne gerechtikeit habe; hat doselbst globet, die weße wedder vffzculasßen, wenne eß on fugsam vnde ebin ist vnde sie eß von om heisschin wurdin. Geschehen am sonnabennd noch Reminiscere Anno quo supra.

Nach dem Stadtbuch fol. 90 im Rathsarchiv zu Leipzig.