No. 463. 1473. 8. März.

Von gots gnadenn Ernst kurfurst je. vnnd Albrecht gebruder lierczogen zcu Sachssen, lantgraffenn in Doringcnn vnnd marcgraifen zcu Missenn.

Lieben n getruwenn. Als ir vns vff vnnser vleissige begerunge zcwey tawsent Rcinische gülden zcu gutem danckc gelihenn habet, doran wir uch in dreyen rech- nungen des vngelds achthundert tiervnnd drissig Reinisch gülden einen grosschenn drey pfennige vnnd einen heller durch vnnsern lantrentmeister rath vnnd heymli- chenn lieben getruwenn vff vnnser geheisse haben aberechenn lasscnn, vnnd im ferrer entpfolenn, vff die zcukunfftige rechnunge des vngeldes schirstkomende den zcinü, so ir douon gebenn habt, auch vbirreichenn vnnd genediglich betzalenn sal, so bleiben wir uch noch tausent hundert funff vnnd sechczig Reinisch gülden zcweenvndzcwen- cig grosschen einen pfennig vnnd einen heller schuldig. Habenn wir durch fur- brenngen vnnsers lantrentmeisters gemarckt, das es uch swer sey, solch gelt also enczelnn. zcu beczalenn; sint vns itzundt sachenn zcugefallenn, dor zcu wir gelt habenn mussenn, doran vns etwas gelegenn ist, das wir uch zcur nhosten rechnunge des vngeldes nichts abegerechenn können, als wir sust mit gnaden zcitthun geneiget weren. Auch das ir solchs geldes in einer summa betzalt vnnd vorgenuget werdet, dorvmmb begernn wir von uch mit vleisse gütlich, wollet vns solche obgcmelte

389

schult uch noch pfltchtigk biß vff den ostermarckt bey uch schirstenn obir ein iar stehenn lassenn, alsdann wollenn wir uch solcher summen oben berurt vff einmal bar betzalenn lassenn vnnd auch den zcinß, der doruff in solcher zceyt gehenn wirt, ane abebrnch genediglich, wie wir vor von vns habenn sagenn lassenn, entrichten. Dornoch ir uch wist zcu richten, des wir vns ane alle voranderunge halden, ir auch thun werdet, kompt vns von uch zcu sunderlichem dancke; wollenn das auch gene- diglich erkennen. Gebenn zcu Dressdenn am montag noch Invocavit anno domini je. L XX tertio.

Dem rathe zcu Leiptzk vnnsernn lieben getruwen.

Nach dem Orig. im Rathsnrchiv zu Leipzig.