No. 398. 1466. 29. Jan.

Wir Friderich von gottes gnaden Romischer keyser zu allenn czeittn merer des reichs, zu Hungern Dalniacien Ooacien je. kunig, herczog zu Osterreich zu Steir zu Kernnden vnd zu Crain, herre auff der Windischenmarch vnd zu Portenaw, grafe zu Habspurg zu Tyrol zu Phyrtt vnd zu Kyburg, marggraue zu Burgaw vnd lannt- graue im Elsass bekennen vnd tun kunt offennlich mit disem briefe, daz vns der hochgebornn Albrecht herczog zu Sachssen lanntgrafe in Doringen vnd marggraue zu Meyssen vnser lieber oheim fürste vnd rat dimüticlich hat gebeten, daz wir dem

327

hochgebornnen Ernnsten des heiligen Römischen reichs erczmarschalkh, herczogen, lanntgrauen vnd marggrauen der obgenanten lannde vnserm lieben oheim vnd cur- j

fürsten seinem brüder vnd im den iarmarckt in ir statt Leypczik^ der sich auff den l newen iars tag anhebet vnd acht tag nacheneinander weret vnd gehalten wirdet, zuuernewen zubestetten vnd zu confirmirn gnediclich gerüchten. Des haben wir angesehen sein dimütig vnd zimlich bete, auch die getrewen anneinen vnd nuczparn dinste, die ir vordem vnd sy herczogen zu Sachssen, lanntgrauen in Doringen vnd marggrauen zu Meyssen vns vnd vnsern vorfarn am reiche Roinischen keysern vnd künigen getan haben vnd sonnder der vorgenant Albrecht etlich zeit her in vnserm keyserlichen hofe vnuerdrossennlich er teglich tut vnd hiiifür wol tun mag vnd sol in künfftig zeitt, vnd haben darumb mit wolbedachtem mute, gutem rate vnd rechter wissen den vorgenanten Ernnsten vnd Albrechten gebrndern herczogen zu Sachssen je. solichen iarmarckt autf denselben newen iars tag vnd die uechsten achttag darnach gancz auß werende in der vorgemelten irer statt Leypczik, wie dann solher iar marckt in derselben irer statt bißher gehalten ist worden, confirmirt bestett vnd von newes gnediclich verlihen vnd gegeben, contirrniren bestetten verleihen vnd geben in den also zu der vorgemelten irer statt von newes von Romischer keyserlicher macht volkomenheit wissenntlich in crafft diß briefs, vnd meynen seczeu vnd wellen, daz sy nw hinfür den egemelten iarmarckt in der vorgemelten irer statt Leypczk aufF den vorgenanten newen iars tag vnd die nechsten achttag darnach gancz auß werende "haben, halten, auch alle vnd yeglich kauffleüt vnd ander leüt, die dauon vnd darczü ziehen vnd den besuchen, alle die guad recht freiheit frid gelaite scherin redlich gewonheit Ordnung vnd herkomen haben vnd alle vnd yeglich zimlich vnd gewond- lich nuczung vnd gerechtikeit von solhem iarmarckt aufheben, der gebrauchen vnd gemessen sollen vnd mögen vnd die leüt, die darczü vnd dauon ziehen vnd den suchen, solichs alles bißher gebraucht vnd genossen haben von allermeniclich vnge- hindert. Vnd wir gebieten darumb allen vnd yeglichen fürsten geistlichen vnd welt lichen grafen freyen herren rittern knechten •haubtleuten vogten pflegern Verwesern burgermaistern amptleuten richtern reten burgern vnd gemeinden aller vnd yeglicher slosser stette merckte dorffere vnd gepiete vnd sust allen ändern vnsern vnd des reichs vndertanen vnd getrewen, in was wirden states oder wesens die sein, von obgemelter keyserlichen macht ernnstlich vnd vesticlich mit disem briete, daz sy die egerürten vnser lieb oheim vnd fürsten an solichem iarmarckt, auch vnser keyser lichen conh'rmaciou bestettigung newer Verleihung vnd begnadung nicht hindern noch irren in dhein weise, sonnder sy der wie vorstet gerülich gebrauchen vnd gemessen lassen, als lieb in allen vnd einem yeglichen sey vnser vnd des reichs swere vngnade vnd darczü eyn pene nemlich fünffczigk marckh lotigs goldes zuuermeiden, die ein yeder, der freuenlich dawider tete, halb in vnnser vnd des reichs camer vnd den ändern halben teil den offgeinelten Ernnsten vnd Albrcchten gebrüdern herczogen zu Sachssen :c. vnd irn erben vnableßlich zubeczalen verfallen sein sol. Mit vrkund diß briefs besigelt mit vnserm keyserlichen maiestat anhangendem insigel, geben zu der Newenstat am mittichen nach sannt Pauls bekerung tag nach Cristi geburde vierczehenhundert vnd im sechsundsechczigisten, vnser reiche des Romischen im

328 —

sechsundczweinczigisten, des keyserthumbs im vierczehenden vnd des Hungrischen im sibennden iaren. Ad mandatum domini imperatoris

Vdalricus episcopus Pat. Cancellarius.

Nach dem Orig. im Rathsarchiv zu Leipzig mit dem Majestätssiegel des Kaisers an Fäden von braun- rother Seide.

Born de iure stapulac ac nundinarum civitat. Lips. 1738. § 18 p. 28.