No. 228. Zwischen 1444 und 1446.

Der rat ist ein wurden durch gemeynes nuczes willen vnde der stat sunder- lichen zcu fromen geratslaget.

Zcum ersten, daz eyn ydermann in der stat wonhafftig sal nymande husen adir herbergen, er wulle danne vor on gut sin. Item wer mittehuser vnde dorynne hußgnossen hat, der sal sye bekennen vnd auch gut dauor sin, vnde sal syne fur- stete1) vnde furmure bewaren vnde befesten. Item eß sal eyn itzlicher behuseter habin in synem büße czwu lange leitern, eyne schaffen; wer schiudel dach hat, daz der in synem büße czwu lange crucken habe, daz er domitte, ap daz not sin wurde, die schindeln abe zcu stossen . . . Item eß sullen itzliche bornmeister in itzlichen gössen, do borne sin, eyne sleiffe vnde doruffe eyn vas, dor yn eyn virtel wassers gehin rnagk, haben, daz vas lassen zcudecken; vnde daz vas vnde sleiffe sal geslossen werden an den borne. Item so sal iczlicher beerbiter burger eynen langen czobir mit eyner Stange steticlichen in synem büße vnde auch uff synem sollern vol was sers haben, ap für ußqweme, do got uor sie, daz man deste ehir mit dem wasser zcu dem füre qweme vnde auch eyn ydermann deste sichcrlicher were. Item ap für ußqweme, daz got nicht enwolle, were denne der erste dar czu dem füre qweme mit der sleiffe vnde daz vas uol wassers, dem sal man geben X gr. vnde [dem] ersten mit trageczobern IIII gr., deme ändern mit der sleiffe VI gr., vnde were sust qweme vnd brechte wasser in czobern adir sleiffen, wie vil der were, denn sal der rat IIII gr. geben. Item welch vnbesessen man addir lediger geselle, wenne für ußqweme,

1) Or. rontttt.

175 —

zcu dem füre lieffe vnde getruwelichen erbeite vnde besehen wurde, dem sal der rat TTTT nuwe gr. geben.

Item eß sal nymand in der stat reißholcz an grossen huffen by sich in sinem büße ader hoffe vnde ouch fymen noch strohuffen haben legen, vnde also uffte eyner daz tut vnde irfunden wirdet, sal deme rate XX nuwe gr. zcu busse vorfallen sin vnd ane bethe geben. Item welch burger itzunt uff dem marckte adir in den gassen gestrauwet ader susst mist uor syner thore legende hat, als schire denne zcu wetir tagen kommet, so daz iß tawig wirdet, der sal denn mist bynnen XIIII tagen weg schicken vnde füren by eyner bussen XX nuwe gr. vnleßelich zcu geben. Item es sal auch hinfforder keyner vnser burger wer der sie uff deme marckte ader yn denn gassen strauwen keynen mist, ouch uß synem hoffe uf die gassen tragen ader tragen lassen, er wulle denne uon stunt weg schicken, vnde welcher denn mist also ußtreit vnde bynnen sonnen schyn nicht weg schicket, der sal dem rate, also offte er daz tut vnde besehen wirdet, ane uorbete vnde vnleßelieheii X nuwe gr. geben. Item es sal auch nymant hußkerich adir abererig uß synem huße tragen uff denn marckt adir in die gassen bye der gnanten busße X gr. Item so sal auch nymant, der brauwehußer hat, stelstro hoppe adir andir dinge uff die gasse, sundern in synen hoff lassen tragen adir schütten by der gnanten busse. Item es sal auch hinforder mehir kein kolgertener vnde vorsteter, die do uff dem marckte phlegen veile zcu- haben krut czwippoln keße eyre putter huner vnde andir ding, domitte sie sich pfle gen zcu setczen, kein stro adir haw mit sich breiigen, daruff zcu setczen, douon der marckt adir gassen bestroet adir beinist wurden, vnde wer stro mit sich brenget vnd besehn wirdet, den adir die sullen des rats dyner vnde marcktmeister vor eyn Schilling phennige phenden vnd die vnleßlich geben. Item eß sal ouch hinforder keyn furman adir gebur, der holcz getreide addir [ander] ding zcu marckte brenget vnde veile hat, sine pherde uff dem marckte adir yn den gassen nicht futern, sun dern in syner herberge, vnde wer do besehen [wirt], daz er uff der gassen futtert, den addir die sullen die marcktemeister uor eyn Schilling phenden.

Nach dem Stadtbuch fol. 48b im Rathsarchiv zu Leipzig.