No. 494. 1476. 4. Sept.

Vff mitwochen nach Egidii anno :c. LXXVT0 ist die nackerbarschafft vff der Hellischen brücken vor den rat körnen vnd haben gebeten, disse hernachgeschrebin satczunge, die sie vnder sich gewilkort haben, yn zw bestetigen vnd darnach, das die nicht möge in ein vergessen körnen, in des ratsbuch zwschreiben. Also hat der rat derselbigen nackerbarschafft solliche satczung vnd wilkor bestetiget vnd gewilli get vnd befolen ins ratsbuch also zwschreiben also hirnach volget.

Item wer nicht kommet zw den nackebern, wann man gebewt,-der sall geben zur busse VI «!-. Item wer sich weigert zw wachen sall geben IIII gr. Item wer nicht wasser für die thörn setzt, so man das geboten wirdet, der sall geben VI <%. zur busse. Item wer beruchtigette vneliche lewte heldet, sall den nackeburn eine tonne biers geben. Item wer sich weygern wurde, in den graben zuarbeiten nach gewonlicher alder weiße der nackerbarschafft, der sall geben zur busse IIII gr. Item wer die fawlen gruben nicht reyne heldet als sich gehurt, sall geben zur busse IIII gr. Item wer seine fewermewrn nicht vnd richtig heldet adir bewart, der sall den nacke- barn geben IIII gr. zur busse. Item nymandts sall flachs adir gerost hanff do heyme brechen noch bei sich legen bey IIII gr. Item nymandt soll lohe in stuben ader vff den Offen derren bey IIII gr. Item wer die graben nicht vffwirffet in seinem hoffe adir dye ayzcucht, sall geben zur busse IIII gr. Item ein ydermann sall die zchewne behalden bey werden. Item wer schedeliche thyer heldet, sall geben IIII gr. zur busse.

Nach dem Kathsbuch fol 141 im Archiv des K. Bezirksgerichts zu Leipzig.

415