No. 161. Vor 1428.

Mynen vnderthenigen dinst zcu allen geczyten zcuuor. Lieber burgermeyster vnde liben hemi. Alzo ich vwer erbar wysheyt vor geschreben vnde gebeten habe, alzo bethe ich uch noch dorch gotes willen, ab sich myns herrn gnade ergent zcu uch nchete, daz sy vwere wysheyt erlange möchte, daz ir kegen mir thüt alzo ich wol getruwe, wen ir doch wol wyst, daz ich io vwer arme mytburger byn, vnde ab ir myns herrn gnade vor mögen mochtet, zcu geben mir eynen tag vier adir sechs wochen, daz ich gotes vude vwer genyseu mochte, ab myr gnade mochte gesehen von myme gnedigen herrn. Ouch thun ich vwere erbarn wysheyt zcu wyssen, daz mir vor körnen ist, wy daz Vorboten ist zcu Lipczk kegen Ache zcu zcyhen; nu habe ich willen da hen zcu zcyne myt raynen wybe. Nu bethe ich uch über burgermeyster vnde liben

— 105

herrn vndc frunt, rayr des nicht zcu arge zcu kerende. Sehet das an, daz ich in dem enelendc lege vnde dy zeyt mich zcu mole lang duncket, dor vmbe hab ich mir dy reyse vor genomen, daz mir dy zcyt en wenig korczer worde, vnde getruwe uch des wol, daz ir die wyle mjTi bestes bethen vnde werken kegen mynen gnedigen herrn, [des| gnade [ich) begere vnde wartenne byn, vnde begere vnde bethe uwere erbar wysheyt vnibo vwere beschribin antwert. Gegeben am fritage vor sente Vites tage. Nickel Hoetritt burger zcu Lypcz.

Den ersamen wyssen luthen burgermeyster vnde rathman der stat zcu Lipczk myn besundern üben herrn vnd frunden.