No. 475. 1475. 5. Febr.

Ernst von gots gnaden hertzog zcu Sachssen je. kurf'urst, lantgraue in Doringen

vnnd marggraue zcu Miessen.

Lieben getruwen. Nochdem ir vnser begirunge nach durch vnsern obirmar- schalk an vch gelanget ein statt zcu begfebnisse der vorsteter vnnd dorffer, die in die Stadt pfarrechten, geordent vnnd weyhen habt lassen, gelanget an vnspclas sich die nackburschafft der vorstett vnd dorffer wedder solch vnser ordenunge vnnd geschefft vnderstehen, seibist greber vff dem kirchhoffe in der Stadt zcu machen vnnd die irn do seibist zcu begraben, das vnsers willens nicht ist, vrsachhalb als ir vormals vornommen habet. Hirvmbe begern wir von vch mit ernst, ir wollet noch notdurfft dar wedder gedencken, das solchs alzo nicht geschee, sunder dem, als ir vnser meynunge vormals vornommen, nochgegangen vnd kein vorsteter ane vff der Hellischen brück") vnnd Nuwestrasße, die vif erbeigen statgute wönen vnd fol bur-. gerrecht gleich den in der Stadt wonendt thuen ruusßenb), noch kein dorffman der dorffer, die in die Stadt pfarrechten, vff der pfarrenkirch hoffen in der Stadt begra ben werden, wanne wir das alzo vnd nicht anders gehat wollen haben, guten vleis hirinne vorwenden, als wir vns des zcu vch vorlassen, kompt vns obir ernst menunge zcu gutem dancke. Geben zcu Rochlitz am sontag Ksto michi anno domini je. LXXV°. Db'

•A

Dem rate zcu Leiptzk vnsern lieben getruwen. \

Nach gleichzeitiger Abschrift im Rathsarchiv zu Leipzig.

a) Die Gerborstrasso. b) Vgl. No. 120.