No. 245. 1446. 20. Dec.

Wir ratmanne vnde gesworne allir drier rete der stad Lipczk bekennen offint- lichen in dissim vnßerm briue. Noch dem als die ersannen Peter Towse gerwer- meister vnde Hans Muller schustermeister mit allin iren gewercken vndir sich etliche schelniß vnd czweytracht von kouffunge vnde gerwunge des leders bißher obir etliche vorgethane scheidunge von vns vnde vnsern vorfarn an den reten gehat haben, der

24*

1 QU

J.OO

selben schelniß vnde czweytrechtikeyt sie willichen vnde mit wolbedachtem mute uff vns, sie mitnandir darnß czu entscheiden, gegangen sint, also haben wir noch vor- horunge sullichir schelniß vnde czweytracht die sache, dor vmbe daz die gnanten beide hantwercke hinfurder in fride bliben vnde gutlichen mitenandir dor an sitczen mögen, an vns genommenn vnde czwischen in eyne satczunge vnde ordenunge uff vnser widderruffen also hirnach folget gemacht vnde gethan, da durch sie sullicher gebrechen gutlichen sullen entscheiden sin. Zcum erstin orden setczen vnde scheiden wir die gnanten beide hantwerge, daz keyn man, er sie burger addir fremde, gar leder in die stat vnde wichbilde Lipczk durch daz gancze iar czuuorkouftin den ger- wern czu schaden nicht brengin sal, sundern in den czwen iarmarckten als ostern vnde Michaelis vnde czu den czwen applassen, als czu der prediger vnde barfusen ablas, do mag eyn yderman, er sie schuster bnrger addir nicht, uff syne ebenture durch frihunge der iarmarckte vnde ablasse vnde synen wolgefallen in die stad Lipczk ledir brengin vorkoufh'n vnde kouffin noch synern willen; vnde waz leders denne die schuster vnser burger also in den iarmarckten vnde ablaßen kouffen, daz mögen sie uff den iarmarckten vnde ablassen seibist vorerbeiten vnde sullen ändern iren gewercken nicht vorder vorkouflin. Die gerwer sullen auch leders eyn notdurfft

. schicken vnde stillen den schustern vnsern bürgern daz ledir in glichen! vnde rede- lichem kouffe geben, also sie denne yimner irczugen mögen, vnde sullen auch widdir die schuster von burges wegin vndir sich keyn gesetcze machen nach haben, sun dern iczlichir gerwer sal vorkouffin vnde verbürgen weme er wil, als daz eynein yderrnande beqwernelich ist. So sullen auch die gnanten gerwer keyn naß ledir czu dem marckte tragen, abir in iren husern vnde ußwendig der stad mögen sie daz vorkouffin ab sie können. Die schuster sullen auch in der stad vnde wichbilde czu Lipczk ruch ledir nicht koufh'n noch darinne gerwen lassen, sundern waz sie vssen vnde an fremden enden koufften, daz mögen sie fremden enden gerwen lassin. Were ab eyn schuster auch eyn rint hette eyns addir mehir in sym huse [vnde er daz] singe addir im stürbe, daz ledir sullen ym die gerwer vmbe eynen gewonlichen

' phenning, daz sie czukomen mögen, gerwen vnde erbeiten lassen. So mögen auch dy schuster vnser burger sich leders irholen vnde daz koufn'n vßwendig der stat vnd wichbilde Lipczk bynnen eyner milen, czwen addir drien, nach iren willen vnde wolgefallen, vnde sullen hinfurder biß uff vnser widdirruffen uff sechs milen daz czu- holen von den gerwern nicht gedrungen werden [vnde] gancz absin; vnde waz leders also dieselbin schuster eyner addir mehir in die stad brechten, daz der addir die sullen sollich leder selbir vorerbeiten vnde ändern iren gewercken, die dornach nicht geschickt hetten, widdir enczeln nicht vorkouffen. Eß sal auch widdir gerwer noch keyn andir man, er sie burger adir nicht, schun durch daz gancze iar vnser bur gern den schustern vorgnant in die stat vnde wichbilde czu Lipczk samptkouffes noch sust czuschaden nicht czuvorkouffin addir czu kouffen [brengin], ußgeslossin in den iarmarckten alleyne, do mag yderman, er sie burger addir nicht, durch frihunge der iarmarckte schun brengen kouffin vnde vorkouffin noch sinem willen, ebenture vnde wollust. Disse obgeschrebene vnßer ordenunge satczunge vnde scheidunge sal stehn uff vnser widdirruffen, vnde welcher disse vnser satczunge vnde scheidunge

189

adir keynerley artikil bynnen vnser widderruffnnge, er were vnser burger, gerwer, schuster addir ander fremde kouffman, vorbreche, der bruchhafftig vnde obirwonnen wurde, adir daz er sin recht dovor nicht thun noch sich des rechtfertigen wolde, der sal dem rate an alle vorbethe funffczelm Rinische gülden vorfallen sin vnde geben, vnde wer vor ymande vor solliche busse bete, der sal auch als vil an alle vorbete geben vnde vorfallin sin. Disse vnser satczunge vnde scheidunge haben wir itzlichem hantwerge mit des rates sigil vorsigelt gegeben, die sint gesehen geschriben vnde vorsigilt, als Peter Ileburg burgermeister mit synen ratiskumpan- gesessin hat am dinstage an sente Thomas abende des heiligen aposteln noch Cristi gehurt tusent vierhundert vnde in dem sechs vnde virczigisten iare.

Nach dem Stadtbuch fol. 49b im Rathsarchiv zu Leipzig. •