No. 3(50. 1463. 31. März.

Eli gebort vorweßern der gemeine vnde offenn ampluten noch dem die vor- nunf't lernet, gesaczt recht schickt vnde gütlicher schrifte lerer tegelich vorkundigen, das sie laster straffen, gute sitten buwen vnde die werg der lute so nehst sie mögen noch gotlichin gebotten schicken vnde reformiren, davon werdet ein gehorsam vnde ein gemein tugentlich leben, eß werden togentsamme gecret vnde gefordert, lasße vnde vnachtloße gelassen, vntogentsamine gestraft, die guten werden in fruntschaft vnde eyntrechtiger übe vorknuppet, daruß kleine ding stigen vnde groß mögen wer den, also an vehln steten große mechtige riche vnde namhaftige gemein von vnge- horsam vnde eigenem mutwillen zcustort vnde zcu nicht sin wurden. Sollicher vnde ander mehr bewegung halben hat der sitczende rat einmutiglich geratslaget vnde mit volbort drier rete gesacz zcu lobe gots vnde zcu gedygen der gemeine also hirnoch folget:

Zcum ersten, noch dem speel an sich selbst argk sundig vnde ydermanne schedelidi ist, also das noch wane narnhaftiger lerer alle speel, das vff glucke stehet, totlich sunde sollen sin, domit gemeynlich schire ydermann disser stat befleckt ist .vom ernisten beß vif den richsten, vom jungisten beß vff den eldesten, daruß auch groß vnrat vnde arg kommet, danne eß wirdet dadurch notliehe arbeit vorsumet, eß wirdet obberig mußgang vorgenommen, eß wirdet vnrecht gut zcu sich geczogen, eß wirdet schuldige arbeit gelassen, man schilt man flucht, man sleth, man hurt ehe- brieht vnde buffet, man tribett obberige queserie vnde sammelt vnerliche geselschaft vnde honspredit zcu vehln maln gote vnde alle sinen heiligen, dadurch heimlich straffunge obbir lande vnde stete gehen; deß vnde ander sachhalben vorbittet der rat, das nymands, welchs weßen adder staut der sie, obbir den sie zcugebyten habe, keynerlei wiße speien sal wedder mit worffein, mit kartten, im brete, mit kegeln, mit pritczen, mit grosschen, wedder vmbe gelt wenig noch velil noch vmbe sust in keinerlei wiße, wie man die erdencke möge vngeuerlich bey busße XX gr. also dick man dawedder thuii wirdet, ane schachczabel mag bliben. ER sal auch nymands in sinem huße gestaten bei derselbigen busse XX gr.

Item sint demmal das man sich nicht alleine von arge, sundir auch von gestel- teniß deß argen bewaren sal vnde got der almechtige selbst flucht groß we den, die do ergerniß geben, gebut der rat, das sich yderman sittlich vnde zcu guter gesel- schaft sal halden, vnde wer sich also heldet, das ein gemein geruchte eins ehebruchs wedder on uß gehet, eß sei man adder wip, sal das vorbussen mit X ß, eß sei danne das eß sich entledige ftiit geczugniß siner nackebore, also deßhalben recht ist.

Item wie wol man wißlich die czal der personen in der wertschaft gemessi get hat, so wirdet doch die spiße obbirfloßig kostlich vnde tuerbar bereitet, darinne vniuitczlich vehl uffgeht ane not, vnde noch den habenden wil sich yderman schicken, daruß groß ermtit kommet; der vnde ander bewegung halben hat der rat gesaczt,

295

das man zcu offenen wertschaften zcu dem essen deß morgens nicht mehr danne sechs essen vnde Berichte vnde darvnder nicht danne sieben gebroten vnde zcu dem obentessen nicht danne fumff gerichte in obgeschrebener wiße geben solle; deßglichen sal man auch halden, wanne ein frund adder nackebor den ändern zcu tissche leet, bei busße eyns schocks von iczlichem mehr gegebin gerichte.

Item noch dem in der cleidunge der frauwen obbirfloß vnde vnsitte ist von der lange vnde mennige wegen vnde in iunger manne cleidunge gebroch vnde vnczucht ist der kortcze vnde enge halben, — das erste die frauwen belangennd ist kostlich zcuhalden, vnde sie sint nicht alle glich habennd, eß sint auch wansitten vnde ist swerlich vor homut zcu entschuldigen, der iungen manne stucke sint an der koste messig, abbir eß ist vnczucht, ytelkeit vnde schände, daruß vehl zcu ergerniß, vehl zcu vnczucht gereist werden vnde ist wedder gots ere —; derhalben hat der rat gesaczt vnde geordent, das frauwen ('leider forne nicht lenger sin sollen, danne das sie vff die erde stosßen vnde binden mögen sie zcweir tinger breit noch sleiffen vnde nicht lenger. Item das keine frauwe noch iuncfraw mehr danne zcwene gefurtte adder zcwene bespengkte adder einen gefurreten vnde einen gespenckten rock zcu einer czit haben solle, adder siechte rocke mögen sie haben noch irm gefallen. Item wie wol eß sich zcu homut czicht, flogellichte rocke zcu tragen, das man stuchen. nennet, — eß haben auch vnser vorfarn burgers art nicht vehl getragen —, so eß doch in gemeine gewonheit ist kommen, wil eß der rat vorhengen, doch das die lenge der rocke vnde flogele in obgerurter masße gehalden werde. Item noch dem einer frauwen gebort noch gotlichir lere ir heubt gedackt zcu haben vnde von grossir czyrunge goldes vnde edeler gesteine zcu enthalden, darwedder sich itczunt hinge frauwen angenommen haben, öffentlich in hüben, in crencen vnde speunchen, mit reierßfedern zcu tanczen vnde zcu irschinen, — der masße siit eine die ander an, sie vorkosten sich mit dem gesmucke aue not, die eß zcu anderm dorften, sie vor- sumen vnde vorlassen ire hußnarung, sie reissen sich zcu vnczemlichir geselschaft vnde ist allir dinge swerlich vor homut zcu entschuldigen —; deßhalben gebutt der rat, das keine frauwe in der hübe noch vehl minner darczu in einem krancze noch spa- nen, noch auch nicht mit reiersfedern adder ändern strußfedern öffentlich zcu tanczen adder wertschaft irschinen sal je., vßgescheiden ab vnser gnedigen hern von on begertten, in hüben zcu tanczen. Item das kein iuncfraw mehr danne ein spenchen vnde keine reiersfedern adder strußfeddern zcum tancze adder sust zcu wertschaft adder auch öffentlich vff der gasscn tragen solle. Item das kein fravv noch iuncfraw mehr danne ein par sammetermel einen tag zcu tencen adder wertschaft tragen vnde zcuinale keine gülden sannnet zcu irer czyrunge haben solle. Item das kein frawe noch iuncfraw kein vechel, siden noch sust mit ringen, spanen adder alleine obbir die achsei addir sust angeheft tragen solle. Item das das gesetcze, frauwen vnde iuncfrauwen ioppchen noch koller nicht zcutragen, gehalden werde, das do beginnet abeczunemen. Item das kein mans bilde, deß man vngeuerlich mechtig mag vnde sal sin, inentel öffentlich trage danne als lang die haut vndcr sich neddir hen- get, er habe danne einen lengern rock darvnder, noch einen korczern rock, er habe danne einen lengern niantel dorobber, vnde das nu fort kein korczer cleit solle

296

gemachet werden. Itera das man an schueu nicht lenger snebel trage, denne eins finger gledes lang, also das maß gegeben ist vngeuerlich. Item das kein mansbilde snure, do golt inn getragen ist, vmbe die hüte noch sust sich dornit zcu snuren haben solle. Item das nymauds, der eß von wirdikeit der grade nicht hat, mentele schaben noch rocke mit fehen adder hermein vorbremen solle.

Item das sleth farn iunger lute gibbet vehl ergerniß, eß geschit vordechtig vehl vnczucht dorinne, eß ist keine erliche notdorft noch entschuldigung zcuthune, deßhalben vorgecziten von anreisunge geistlichir lute die sletten also sundig ding gar vorbrant wurden, die Sachen wir itczunt also wol also sie die czit irkennen mögen; gebut der rat, .das nymands in der statt zcu keiner czit vff sleten faren solle, er wolle danne obbir lant faren vngeuerlich.

Item das kein dinstbote manß adder wipßbilde siden gewant zcu keiner czi- runge, ane meyde zcu czoppen, noch perlyn bende adder corellen tragen solle.

Item vor solliche stucke sal der vater adder der man vor syne kinder vnde syn wip antwortten vnde sal or darczu mechtig sin bei der busße hirnach berurt vnde ein yder hußherr vor sin gesinde.

Item wer hirweddir thun wirdet sal von iczlichir obirtretunge, wie dicke eß geschit, XX gr. zcu busße geben, die der rat vnleßlich nemen sal ydermanne vnuorschonet.

Item eß werdet mit fruen ortten die fyer gebrochen, die lute in lichtfertikeit geczogen vnde notliche innkeit wirdet verstört; vormeinen sie zcu setczen, das man deß sontags vnde an höchsten festen ehr danne die messyn vß sin keine czeche halde an keinem ende, do man bir vnde wyn feile hat, vngeuerlich bei V gr., die der wert, der eß vorhenget, geben sal.

Vmbe wynschencken ist ein große rede vnder allem folcke, das man die wyne vorsollet vnde ergert mit geringern trancke vnde vnderstunden mit wasser, das man sie auch temperire, daruß vehl cranckeit kommet vnde von dem sollen werden sie erger. Man erleibet doch yderm sine wine zcugebin wie er wril, were ye billich vnde eß heischt vornunft vnde recht, das man yderm auch vor sin gelt gebe noch wirderunge, also eß sin sal; vormeint der rat zcu setczen, das man keinen win vngesaczt schencke vnde das man die selbige wine, wie die vffgetan werden, vnuor- sollet vnde vnuormischt nicht anders danne also sie vfgetan werden schencken solle vnde vmbe mehr Sicherheit an iczlichim vas, wanne eß vffgetan wirdet, das spont vorsygell. Item das der schencke swere das also zcuhalden. Vnde wer deß obbir- fundeg wurde adder wenne er beschuldiget wurde, sich deß nicht entledigen wolde, sal deß X ß dem rate vorfallen sin adder der stat so lange entperen; wurde eß abber der herre vorschencken, so mag on der [rat] noch irkentniß straffen.

[Item das sollichs alles desde flisßiger gehalden werde, sal der burgermeister durch einen knecht alleine heimlich bestellen eczliche, die die obbertreter vorkundi gen demselbigen knechte, der sie fort sal lassen vorczeichen; wer deß danne besaget wirdet, sal sich rechtfertigen ane alle wedderrede adder die busße geben, die man von ydem vnleßlich vnde vnuorschont nemen sall.

Item eß were auch not zcu ratslagen, ab man mit gliche vnde rechte durch grossern fliß die gerechtikeit der nedderlage baß irkennen muchte, das man neme

297

was sich gebort; danne eß vortirbeth der kauffman nicht, were ye billich, dem rate auch das sine zcugebin. Vnde dunckt geraten, das man die besenntt, die vor iaren kauiflntu gewest vnde großin handel gehat haben, zcuuorhoren, wie sie eß gehalden haben, ab man daruß ieht konnde gelernen.]*)

Item eß sal nymands gerste haffer noch ander getreide alhir vif dem marckte kentfen adder einen ändern kenffen lassen noch hirinn bei sich haben, er sei danne burger, vngeuerlich bei bnsße XX gr.

Eß sal auch nymands messir swert bil noch keine schedelich were tragen vngeuerlich bei bussen XX gr.

Item wer vß der gemeine irfaren wurde, das- mau vff den creczmar adder dortfern froinde bihr schenckt wedder der stat friheit, der mag das einem vß dem rate zcuwissen tliun, so wil vnde sal der rat allen flyß tlnin, das sollichs gewert werde.

Item das man die satczunge der hochczit, der kinteuffen vnde deß kirchganges, aiicli 'der queße in den sechswachen noch vßwyßunge der alden wilkore") vnuorruckt halde vnde nymands vorschone bei der pene in den selbigen satczungen vßgedruckt. Vnd damit sollen alle andere satczunge in der taffein vnde sust in irem bestant bliben vnde hirmit vnuorsatzt sin. Item anderunge der cleidung sal geschehen in einem mande, das ist zcwisschin hir vnde dem sontage als man den iarmarckt inlu- tet, abber die ändern satczungen sollen angehen zcur nechsten wochen.

(Jesaczt vnde wilkort vom rate mit volbort der eldesten vnde verkündiget am dornstage noch Judica anno :c. LX tertio.

Nach dem Kathsbuch ful. 118b im Ratiisarchiv zu Leipzig.

11 Bui der mit [J eingeschlossenen Stelle am It.lndo: vacat. a) Xo. S17.