No. 195. 1438. 29. Sept.

Wilhelm von gots gnaden herczog zu Sachsen, lantgraue in Doringen vnd marcgraue zu Meisseu Conrad von Mosen rentmeistern vnd ändern vnseren ampt- luten, burgermeistern vnd rate zu Lipczk. Lieben getrawen. Als vnser lieber bru- der vnd wir uch vormals mer geschrebin habin, uff den merckten zuuerbieteu, das nymand fremdes wechseln sulde, sundern vnsere, vnsers lieben vettern vnd vnsers swagers von Hessen diener :c. vernemen wir wol, wie das nu solchs uff solchen merckten wenig gehalden sy, das vns, vnsserm vettern vnd den vnsern an sollichen wechsil gross hindcrnisse bracht hat. Nu werden vnser lieber vetter vnd wir aber die vnssern iczunt uff diesen inarckt by uch gein Lipczk schicken, die man in Steffan Stuss huss vindet. Hirumb so begern wir mit ganczem vlisse vnd heissen vnd gebieten uch ernstlichin, das ir von stund vordes eher der marckt intryt vnd alle tage diewile der werit ernstlichin by vorbissunge zcehn lotige marck silbers, Linder wen man des querne, zu busse verbieten, ussschricn, ansiahn vnd den gastgeben in die herbirgen sagen lassit, wie ir das nach dem offinberlichsten kunnet verkundigen vnd offenbarer werden lassin, das nymands fremdes silber noch pagament Jiiffkoiffen ader wechseln sulle anders dann ab vnsere munczemeistere zu Friberg doliyn schicken wurde vnd vnsers vettern vnd vnser diener, die man alle in Stuss huse rindet, vnd wer auch denselbin vnssern dienern silber, pagament ader wechsil verkoiffet ader verwechselt, das-ir mit den zcisemeistern, die doruber gesaczt sint, bestellin sullet, das dieselbin koufflute von sollichem silber ader wechsil, was yn des die vnssern abekoifften, solliche zcise, als sich sust dauon geburte zu gebin, vertragin sin sullen. Utich vmb vnsers lieben swagers von Hessen diener uss siner muncze, ab der zu wechseln ader zu koiffen auch by uch schicken wurde, das ir cleme das auch zustatet, doch also, das dieselbin die sinen die vnsern nicht obirkoiffen, sundern das sie sich des mit den vnseren gütlichen ubirtragen sullen, als uch die vnssern auch muntlichin vndderrichten werden, vnd das ir hieczu uwirn ganczen ernst vnd vliss thut; doran thut ir vns wolczudanck. Gegeben zu Kefernberg am montag Michaelis Anno je.

xxxvur.

Nach Barthel's Diplomatar. Lips. II. fol. lüüb im Rathsarchiv zu Leipzig.

145