No. 367. 1464. 13. Febr.

Ich Nickel Fplugk rytter zw Schocher geseßen vnde Nickel Fplugk zvm Knuthayne gesesßen gevettern wir bekennen —, daß wir mit guttem willen vnde wol bedachtem mutte, auch mit gutten vorrathte dem ersammen Bartolmeus Kuncz burger zw Lypczk gelegen habin vnde lyhin — zw rechtem erbe den hoff beye dem Grymmesschen thore off der ecken gelegen zw Lipczk, der vormals Hans Konniges gewest ist, vnde so vil also der von vnß zw lehin gehat hat, reychen vnde lyhin mit aller gerechtikeyt, also der von vnß zw lehin gehit. Auch habin wir durch sunderlicher gunst vnde bethe willen des obgenanten Bartholomeus Kuncz gelegen Margaretha Kunczynne seynem elichen weibe den obingenanten hoff —, also der von vnß zw lehen gehyt, — zw eynem lipgedinge —. Wurde eß auch Sache, das der genannte Bartholomeus Kuncz ader Margaretha seyne euch weib ader ore erbin sül- lichin hoff wider vorkeuffen wurden, so wollen wir obgenanten Fpluge den selbigeten orren keuffern williclichen leihen in aller masse, also sy das von vnß zw lehen gehat haben. Auch sollin sy ader ore erbin von vnß ader von vnßern erben den lehenen rechte volge thun, also offte vnde dicke alzo das zw valle kommet, so sullin vnde wollin wir vnde vnßer erben yn adir oren erbin dye lehene willichen an insage thun. Das alle vor vnde nach geschreben stucke dieses briffes stete vnde gancz gehaldin werdin, haben wir obgenanten Fpluge vnßer yczlicher seyne insigel wissentlich an dissin briffe hengen lasßen vor vnß vnde vnßer erben, der gegebin ist nach Cristi gebort thussent vier hundert dar nach yn dem vier vnde sechczigisten iare am man- tage vor Valentini.

Nach dem Orig. im Rathsarchiv zu Leipzig mit den Siegeln der Pfluge an Pergamentstreifen.

38*

300