Ich Symon zu den zeiten Richter, vnd wir der Rat der purger gemain hie ze Newnburch Chlosterhalb veriehen — Daz Cholmans chinder von La, Peter vnd sein pruder frenczel vnd andrew ir geswistreid chlagetten mit vorsprechen hincz Georigen dem Snaicz- auf, vnd iahen, er svlt in ains halben phuntes phenn. mer dienn, denn er iach von dem halben werde, vnd von dem halben Paumgar- ten, vnd von den Schuten, die vmb den werde vnd vmb den Paum- garten gelegen sint vnd daran stozzent, vnd von alle dev, daz pei dem alten hof gelegen ist, Daz Cholmans chinder mit den Chirch- lingern ze tailn heten. Do wart den Chindern ertailt, seu svlten nidersiczen, vnd svlten von Georigen ein recht nemen, Also ob seu Georig erman mocht, daz er in sol vil nicht dien svlde, des svlder er gemezzen an seinem recht. Do sazzen dev Cholmans chin der nider. Des antwurt in Georig mit vorsprechen vnd ermant dev chinder des mit seim ayde , vnd mit zwain erbern mannen vor vnser, vor dem Rat von der Stat als im ertailt worde mit vrag vnd mit vrtail, Daz er in von dem werde vnd von dem Paumgarten vnd von den Schuten, die dar vmb gelegen sint, vnd von alle dev, vnd dar zu gehort, daz alles gelegen ist pei dem alten hof, daz er in nicht mer davon dienn svlt zu rechten Purchrecht, denn an sechs phenn. Neun schillinge wienner phenn. an sant Michels tag, Da ward

238

Georigen rübe ertailt, daz er den chindern von dem Purchrecht nicht mer dienn svlt, denn vor geschriben stet, er oder sein erben, oder swem er iz geit, wan dev Wandlung vor vnser vnd mit vnserm wizzen vor dem rat geschehen ist. Daz dev furbaz an alle chrieg stet gancz vnzerbrochen beleihe. Des geben wir in disen prief zu eim warn zeug versigelten mit vnsrer Stat Insigel. Der prief ist geben — Dreutzehen hundert Jar, dar nach in dem Dreizzigistem Jar an sand Georigen tag.

Chartularium Archiri III. fol. 116. a.

„Die alten Höfe" heisst noch gegenwärtig eine Ried beiKrizendorf; stand aber dort die vermahnte Insel und der Baumgarten, dann ist selbe gegenwärtig auf dem Grunde der Donau zu suchen.