zu Niederhollabrunn an Nicla» den Esel.

Dat. s. I. 1298.

Ich Alber vnd ich Vlreich vnd ich Wernhart prueder genennet die Strewnen von swarcznaw verichen an disen prief, daz vnser mueter vrow Agnes mit aller vnser erben vnd mit vnserm gueten willen hat gegeben, swas sie aigens hat gehabt dacz dem Nidern holabrun ze veld oder ze dorf, Nyclan dem Esel zechauffen, daz des alten hern Sygloches svn vm ir habent gehabet, oder swer iz von ir hat, daz iz der von im emphohen sol ob er im sein gan vmb zehen phvnt wienner phenning vnd schul wir des scherm sein als landes recht ist, als man aygen scbermen sol. Des geb wir im dem vorgenanten Nycladem Esel disen prief ze einem vrchund. Der prief ist geschriben do von Christes gepurte war Tausent iar vnd zwai- hvndert iar vnd acht vnd newnczig iar, vnd sint des gezeug, die hie geschriben sint her Vlreich von Wolfgerstorf, her Dietreich sein prueder, her erchenberecht von goos, her Vlreich von Pylechdorf, Ott vnd Hadmar vnd weichard vnd Alber, die prueder von Otten- stain, wilhalm von Paumgarten vnd Chadolt sein prueder, vnd ander genuech, die auch triwen wirdich sint.

61

Orig. Perg. (Ref. Vet. Nr. 2. fei. 291) und Chart. Arcb. III. fei. 76. b. — Die runden Siegel der drei Brüder hängen an Pergamentstreifrn und enthalten zwei Binden im dreieckigen Sehilde (ähulieh dem Siegel hei Dnellina Ese. Gen. Tab. X. n. 108). Das Siegel Udalrich's zeigt einen aehrägliegenden Schild , auf densen oberer Ecke ein mit dem Busehe gesierter Helm ruht. Die Umschrift ist bei allen dreien beschädigt.

Dieser Nyclas der Esel ist aller Wahrscheinlichkeit nach der Bruder des Propstes Hadmar. Cfr. Urkunde 72.