Wir Ortolf von Gotes genaden Probst, Nyclos der Techent vnd der Convent gemain des Gotshaws vnser vrowen ze Nevn- burch veriehen — vmb den weingarten gelegen in dem weingraben, des ein Jeuch ist, oder mer, alz er mit alter herchomen ist, der der Geistleichen herren vnd des Convents gemayn datz Gersten rechts chaufgut ist, als der alt brief sagt, den sew dar vber babent, daz wir in dew gnade getan haben vnd auch vur von vnsern vodern do mit begnadet sint, daz sew von dem egenanten weingarten — nicht mer alle iar do von dienen vnd geben suln in vnser spitol in dem Lesen fuer perchrecht vnd fuer zehent, denne vier emmer weins vnserm Schaffer in vnserm Spitol ze Newnburch. — Dar vber geben wir — diesen brief versigilten mit vnserm Insigil vnd mit vnsers Convents anhangundem Insigil. Der brief ist geben — ze Newn burch — drewczehen hundert iar darnach in dem fumf vnd fumfzi- gistem Jar des Montages nach dem Swartzen Svntag in der Vasten.

Orig. Perg. Die Siegel sied bekannt.