Dat. 24. April 1332.

Ich Seyfrit Gebharts des alten Richter Svn ze Newnburch Chlosterhalben vnd Ich Agnes sein hausvrowe veriehen — Daz wir

245

— mit vnsers perchmaisters hont Symons der Richter ze Newn- burch Chlosterhalben verchauft haben vnsern weingarten, dez ein halbs Jeuch ist, leit an der Chalchleiten ze nachst Otten weingarte des Gvelher, der do haizzet der Smerber, do man alle iar von dient dem egenanten Symon, dem Richter ain Emmer weins ze rechtem perchrecht vnd drey phenning ze voyt recht -—. dem erbern herren hern Petrein ze den zeiten vicarn ze weiten vnd pharrer ze Ebers torf vmb Nevnczich phunt wienner phenning — vnd seczen wir vns

— recht gewer vnd scherm, — wanne herr Peter den selben wein- garteu gechauft hat vmb sein ledigs gut, vnd nicht vmb der Chirichen gut — Dez geben wir — disen prief — versigelt mit vnsers perch maisters Insigel, Symons dez richter, wanne wir nicht aigens Insigels haben, vnd wir in seines Insigels dor vber gepeten haben — vnd versigelt mit hern Christans dez Sluzzler Insigel vnd mit Petreins Insigel von sand Mertein — Dez sint geczeug her Diet- reich der Schiver, her Gebhart der alt Richter, Chvnrad der Smuchenphenning, Chunrad der Schiver, Leupolt von awe, Diet- reich der Reczer, Wernhard vnder den Lauben, Fridreich der Chlain, Ekhart der alt zechmaister, Christan dez Sluzzler svn

— Der brief ist geben — Dreuzehen hundert Jar, darnach in dem zway vnd Dreizzigistem Jar an sand Goerigen tag.

Chartularium Anhin III. fol. 138. b.