Ich Hans von Grisslaw zu Ditersbach mit mynen erbin selbschuldiger, Petir von Gusk daselbist, Nickl von Grisslaw zu Helwigisdorff, Jane vom Spal zu Czuckenrade, Allex von Nussedelicz daselbist, Hans von Bolbericz zu Beczicz gesessin burgen bekennen —, das wir — schuldig sien dem erwerdigen — herren Rudolffe bisschoffe zu Miessen, Hanse vnde Rudolffe gebrudern von Plawnicz synen vettern vnde czu getruwer hand den erbern herren techande vnde dem ganczen capitil der kirchin zu Missen fumffczig schog guter Behemisscher grosschen Polnisscher czal vor das weldechin genant Elwirsdorff obir Ditersbach gelegin, glouben wir — die obgnante summe geldis czubeczalen uff den nehesten sente Michils tag mit sulchim vndirscheide, were das wir — vff den tag die beczalunge nicht gehabin kunden adir vff den tag nicht bezalen wulden, so sullen wir das vnsern gloubern mit vnserm briue eyn firtil jares vor lassin wissen. Wenne denne das geschied, so sullen denne vnsere gloubere das gelt lassen bestehen forder eyn jar vff czinse vnde sullen en ye von czehn schocken eynis czinsen vnde reichin vff senth Michils tag, vnde sullen denne houptgut vnde czinse beczalin czu Jockerim adir Bisschoffwerde in der czweier stete eyne, wo wir hin von vnsern gloubern dirmanit werdin —. Wo das nicht geschee vnd wurdin wir an der beczalunge seumig vnd wurdin wir obgnante burgen gemanet, so globe wir — inczureyten wo wir in der czweier stete eyne vormanet werdin adir eynen andern erbern inczusendin —. Das wir alle disse obgeschreben rede etc. Gegeben nach Cristi geburt vierczenhundirt iar dornach in dem vierczenden iare am dinstage nach Katherine virginis.

Nach dem Liber Hudolphi fol. 82 im Stiftsarchiv zu Meissen.

52*

412