Rudolffus dei et apost. sedis gratia episcopus Misnensis venerabilibus ac cir- cumspectis viris et dominis abbatibus prioribus praepositis decanis scolasticis custo- dibus cantoribus thesaurariis canonicis tam kathedralium quam aliarum ecclesiarum collegiatarum, archipresbyteris plebanis viceplebanis neenon aliarum ecclesiarum capel- larum altarium rectoribus, exemptis et non exemptis, ceterisque Christifidelibus, cuiuscunque gradus fuerint status aut eminentiae, ecclesiasticis, religiosis et saecula- ribus universis per diocesim nostram Misnensem ubilibet constitutis salutem et since- ram in domino caritatem. Cum alma mater ecclesia universae religionis christianae decori domus domini pio mentis studio intendere teneatur ac basilicas, in quibus nomen domini singulariter laudatur et invocatur, solitis et sonoris praeconiis honorare non desistat, nos eius sacris vestigiis inhaerentes ac exemplo ducti laudabili, ut spe- ramus gloriosam Misnensis nostrae ecclesiae fabricam, quae prae ceteris basilicis nostrae diocesis ut lucerna ardens super mensam domini posita tamquam sidus irra- diat matutinum, summis attollere vocibus, laudibus praecipuis et specialibus honoribus cupimus venerari. Quis enim non diligeret locum, a quo omnis christiana religio istius saltem terrae traxit exordium? Quis non veneretur locum, a quo omnia sacra- menta ecclesiastica velud rivuli de fonte dulcissimo effluunt et emanant, a quibus iam innumerabiles animae ad aeternae felicitatis gaudia misericorditer sunt productae? Sacrosancta Misnensis ecclesia, domina gentium, mater multarum ecclesiarum ex permissione divina in proxima ista aestate per inprovisam et repentinam aeris intem- periem ac pluviarum ac intollerabilium ventorum tyrannidem in aedificiis fenestris turribus et campanis nobilibus dispendiosum periculum proh dolor est perpessa. Cuius quidem ecclesiae ruina dampnosa et iactura absque dei adiutorio et bonorum homi- num auxilio ac elemosynis vix aut nullatenus poterit reformari, ideoque ad praesens

398

compellitur tamquam mater a filiis feliciter consolari. Et quia ecclesiarum fabricis manum porrigere adiutricem pium apud deum et meritorium reputamus, quare vos universos et singulos supradictos requirimus per viscera misericordiae dei nostri in dominoque hortamur, et nihilominus vobis et cuilibet vestrum in virtute sanctae obe- dientiae et sub poena suspensionis ab ingressu ecclesiae, quam in vos et quemlibet vestrum, si non feceritis quae mandamus, trium tamen dierum canonica monitione praemissa ferimus dei nomine in his scriptis, quatenus proeuratores et nunctios seu quaestores nostrae fabricae per nos et capitulum nostrum Misnense nuper deputatos, cum ad vos venerint pro dicta fabrica fidelium elemosynas et subsidia petituri, ipsos tam in domibus quam in ecclesiis vestris benigne recipere et caritative curetis per- tractare, et populum vobis commissum utriusque sexus ad diem locum et horam, quos lator praesentium vobis assignaverit, in unum convocetis cum pulsu maioris campanae ad audiendum et fideliter facicndum ea, quae ibidem fuerint exponenda per procura- torem et nunctios pro huiusmodi negotii prosecutione deputatos. Dics vero illa, in quo loco praefatum agitur negotium. celebris habeatur et festiva, quousque ipsum negotium fuerit plenarie expeditum. Praeterea si in aliquo locorum procuratores ipsos contingeret accedere, ubi interdictum ecclesiasticum nostra aut subditorum nostrorum seu praelatorum ecclesiae Misnensis iurisdictionem ecclesiasticam habentium, aut etiam executorum statutorum nostrae diocesis auctoritate fuerit promulgatum, seu etiam suspensio divinorum, volumus et auctoritate praesentium indulgemus, ut in dictorum nunctiorum adventu divinorum officia sollempniter resumantur, exclusis tamen nomi- natim excommunicatis et interdictis, ipsa divina officia tam in missis quam aliis horis pro voluntate et utilitate dictorum nunctiorum compleantur. Ceterum mandamus sub poena praemissa , ne die illa, in qua saepedictum agetur negotium, per vos seu ali- quos religiosos quoscunque exceptis procuratoribus et nunctiis nostrae fabricae ser- monem fieri faciatis. Statuimus etiam ut his, qui fraternitatem ecclesiae nostrae sumpseriut, quam frateruitatem dandi et in fratres recipiendi dicti nunctii auctoritatem nostram plenam habent, si ecclesiae, ad quas peitinent, interdictae fuerint ipsosque mori contigerit, nisi nominatim excommunicati aut iuterdicti vel publici usurarii fue- rint, eis sepultura ecelesiastica cum sollempnitate non negetur. Nos igitur tam pium tamque salubre negotium omni qua possumus diligentia promovere cupientes honora- bilem ac discretum virum, dominum Audream Uezen temporalem \icarium ecclesiae Budissiuensis, presbyterum nostrae diocesis tamquam idoneum utilem et discretum cursorem praesentium de unanimi consensu capituli nostri ad hoc assumptum et roga- tum ad promovendum nostrae fabricae negotium duximus deputandum, dantes eidem liberam et plenam facultatem, ut in casibus episcopalibus et super votis et casibus ad nostram dispensationem pertinentibus, ac super peccatis nobis specialiter reservatis, exceptis incendiariis, ecclesiarum violatoribus et homicidiis dispensare possit, confes- sionem audire iuxta discretionem a deo sibi traditam et absolvere confitentes; item super peccatis oblitis, votis fractis, si ad ea redierint, offensis patrum et matrum sine manuum iniectione violenta, super iuramentis, quae fiunt ex animi levitate vel ira, poenitentiis neglectis vel male expletis, cum raptoribus usurariis aut furibus, quidquid per eos vel alios modo illicito conquaesitum est, dummodo non inveniantur vel nescian

—— 399

tur, quibus haec restitui debeant, si praedictae fabricae largiantur; item cum bla- sphematoribus dei et sanctorum sortilegis incantatoribus oppressoribus puerorum falsis testibus falsariis incestuosis stupratoribus virginum sodomitico seu contra naturam peccato involuto. Super quibus omnibus et singulis praefati negotii nunctiis huiusmodi pendente negotio potestatem damus et indulsimus confitendi, audiendi et eos ut prae- mittitur auctoritate nostra libere absolvendi et cum poenitentibus et confessis dispen- sandi, cum quibus et nos in nomine domini misericorditer dispensamus, scientes etiam, quod quidquid praedicto procuratori vel eorum nunctiis boni vel mali feceritis, nobis fore exhibitum reputamus. Sacerdotibus vero in hoc negotio fideliter laborantibus, quicquid in horis canonicis vel aliis horarum negligentiis per ignorantiam aut desi- diam vel oblivionem seu inadvertentiam hoc negotio durante commiserint, misericor- diter in domino relaxamus, confessione tamen pura desuper facta simplici sacerdoti. Si quis autem nostri mandati contemptor aut transgressor per contumaciam rebellio- nem aut negligentiam extiterit, quod non speramus, eo quod huiusmodi negotium pro reformatione ruinae ecclesiae nostrae ad honorem dei et sanctorum patronorum Jo- hannis evangelistae ac gloriosissimi martyris Donati nobis est cordi, talem et quos- cunque rebelles ad nostram citandi peremptorie praesentiam saepedicto procuratori et eorum nunctiis, etiam certam diem et horam eis praefigendo plenariam concedimus facultatem, de transgressione contumacia seu rebellione poenam condignam utique recepturi. Omnem gratiam et indulgentias nostrae ecclesiae a Romanis pontificibus, patriarchis cardinalibus legatis archiepiscopis et episcopis datas et concessas et alio- rum bonorum operum nostrae ecelesiae per dictos nostros nunctios proponendas coram populo et promulgandas benefactoribus fabricae nostrae ecclesiae liberaliter impertimur. Et nos Rudolffus episcopus Misnensis praefatus cupientes, ut tanta ecclesiae nostrae destructio eo celerius reformetur, universos Christi fideles rogamus monemus et hor- tamur in domino ipsis in remissionem peccaminum iniungentes, quatenus de bonis sibi a deo collatis pro consummatione dictae fabricae pias elemosynas ac grata cari- tatis subsidia irrogent atque donent, ut per subventionem eorum huiusmodi reformatio valeat citius consummari, ut ipsi per hoc et alia bona opera quae fecerint domino inspirante valeant ad aeternae felicitatis gaudia pervenire. Nos enim de omnipotentis dei misericordia et beatorum Petri et Pauli confisi suffragiis, omnibus vere poeniten- tibus et confessis, qui ad huiusmodi reformationem nostrae fabricae manus porrexe- rint adiutrices quadraginta dies indulgentiarum et unam karenam de iniunctis eis poenitentiis in domino miscricorditer relaxamus, praesentibus post dominicam, qua in dei ecclesia cantatur Laetare, minime valituris. Datum et actum in castro nostro episcopali Stolpen anno domini millesimo quadringentesimo tredecimo ipso die sancti Gralli autentico nostro sub sigillo.

Et nos Nicolaus eadem gratia episcopus Cathosiensis accedente consensu et voluntate praefati reverendi — domini Rudolffi episcopi Misnensis similiter de omni- potentis dei misericordia — quadraginta dies indulgentiarum et unam karenam de nostro misericorditer in domino impertimur. In cuius testiinonium sigillum nostrum autenticum praesentibus est appensum.

Nach dem Orig. im Stiftsarchiv zu Meissen mit dem kleineren Siegel des B. Rudolph und dem des B. Nicolaus.

400