Wir nachgeschribene Hannes, Herman unde Heinrich Karasse gebrudere, Volczsch Karas stine, bekennen offenlich vnd thun kunt mit disem brife vor vns vnd alle vnser erben allen den, dy disen brif sehen horen adir lesen, daz wir mit gutir wizsen vnde rate hern Hugoldes von Slynicz vnde andere vnscr frfinde, vnde mit guten wolbedachtem mute williclich dem erbern hern Johanse von Potzte techande zcu Misen, Hoendorf daz dorf mit allen gerichten obirsten vnd nydersten, in velde vnd in dorfe, mit czinsen gfilden obleyen beten wassern wesen holczen pusschen ackern garten, mit allen sinen fryheiten lehen eren wirden nuczen dinsten vnde rechten, vnde nemelichin mit allen sinen czugehoringen, wy dy namen haben ader gehabin mfigen, besucht vnd vmbesucht nichtis vzgenomen, also daz selbe dorf mit alle syner zcugehorunge vnd also vorgenant ist Volcz Karas vnsir liebir vater seli- ger daz vor vns besezzen gehabt gebrucht genuczit vnd an vns bracht vnde geerbit hat, recht vnd redelich uorkouft habin vor LXXXV schog vnd XLVII I grosschen Fribergischer muncze, dy summen geldes her vns ouch gancz vnd zcu male gutlich beczalt hat, daz vns wol genf1git, daz selbe gelt wir ouch vor vnser schfilde, dy vns vnser vater in den Juden schuldig lys vnd andirswo schuldig gelazen hat, wissentlich hern Hugolde von Slynicz egenant vnd andern vnsern frunden weg gegebin haben, vnd gelobin dem egenanten hern Johanse techand zcu Misen, vnd zcu siner hant den erbern herren dem capittel czu Misen in guten truwen mit disem brife ane arg, daz wir sy des gutes vnde koufes in alle der masse, als wir ym daz vorkouft haben, als obgeschrebin stehet, gutlich vnd genczlich geweren, vnde des rechte geweren sin sfillen vnd wollen kegin allirmenglichen, als daz in dem lande czu Misen gewonheit ist, vnde auch also recht ist ane allis arg, ane intrag vnde ane allis geuerde, vnd haben vns ouch alle vnsers rechtin forderunge vnd ansprache, dy wir an dem selbin gute des dorfes zcu Hoendorf vnd alle siner czugehorunge gehabt haben, haben solden ader gehabin mochten, williclich vorczigen vnd vorczigin vns ouch des williclich mit disem brifc, vnde habin ouch dy lute daselbis czu Hoendorf an yn gewiset vnd sy ouch huldunge vnd allis rechten, daz wir czu yn hatten, ledig vnd loz gesagit vnd gelassen. Ouch globen wir dem egenanten hern Johanse vnd czu siner hant dem capittel czu Misen in guten truwen, daz wir ym daz selbe dorf Hoendorf mit alle siner czugehorunge, also obingeschrebin stet von stundan, vor vnserm gnedigen herren, dem marggrafen czu Misen vflazsen sullen vnd wollen ane widirsprache. Von dy were vnd uflazsunge wir yn ouch czu burgen seczen vnd

aj Uohendorf, Par. Niuderobersbaeh

265

gesaczit habin hern Hugolde von Slynicz vnsern lieben ohemen, der mit vns vnd wyr mit ym gelobit hat vnd gelobit deme megenanten hern Johanse techand vnd dem capittel czu Misen, daz wir sy der gfite geweren vnd rechte gewere sin sullen gutis vnde koufis, vnd yn dy gut uflazsen sullen, also vorgeschreben stehet, ane vorczog ane arg vnd ane geuerde. Vnd daz wir alle obegeschrebene rede gelobde vnd artikel ane arg genczlich halden sullen vnd wollen, des czu orkunde habin wir vnsere ingesigele alle dry wissentlich an dysen brif gehangen. Vnd ich her Hugolt von Slynitz ritter bekenne uffenlich mit disem brife, daz ich den obgenanten hern Johanse techand czu Misen, vnd czu siner hant dem capittel czu Misen gelobit habe vnd gelobe in guten truwen mit disem brife mit den vorgeschribenen Hanse Her- manne vnd Heinriche Karassin gebruderen vor eyne rechte gewere vnd uflazsunge des dorfes vnd gutis czu Hoendorf vnd koufes, daz yn daz volczogen vnd gehaldin sal werdin in alle der mazse, als obingeschrebin stet in dysem brife, vnd stehn yn da vor ane allen intrag, ane vorczog vnd ane allis geuerde, vnd habe des czu bekentnisse myn ingesigel mit der egenanten myner frunde ingesigelen wissentlich an desin brief gehangen, der gegebin ist nach gotis gebord driczenhundirt iar, dar- nach in dem vier vnd nunczichsten iare, am nehesten sunabend vor sente Bartho- lomeus tage.

Nach dem Orig. im Stiftsarchiv zu Meissen mit den Siegeln der drei Briider Karas und Hugolds von Schleinitz an Pergamentstreifen.