In nomine domini amen. Johannes dei gratia episcopus ecclesiae Missnensis etc. Quia non bene testatur, qui deum suorum non facit bonorum participem et heredem, hinc est quod discretus vir dominus Syfridus cappellanus noster speeialis dilectus, vicarius ecclesiae Misnensis, salutis suae non immemor, volens seminare temporalia, ut metat in futuro aeterna, comparavit iusto venditionis et emptionis inter- veniente titulo apud providum virum Nycolaum dictum Gast et suos heredes quatuor mansos sitos in pago villae Kossewik") pro X sexagenis, quolibet manso dante et solvente in festo beati Martini annis singulis modium tritici, duos modios siliginis et unum modium avenae mensurae Dresdensis et VIII hallenses nomine census seu annuae pensionis per censuarios infra scriptos et eorum in eisdem bonis successores solvendos, qui sic pro praesenti nuncupantur dictorum quatuor mansorum hereditarii possessores: Nycolaus Winkeler solvit et dat de uno quartali mansi medium modium siliginis, unum quartale tritici et unum quartale avenae cum duobus hallensibus, Nycolaus Windische dat et solvit de uno manso modium tritici, duos modios siliginis et unum modium avenae et octo hallenses, Kela Jacobynne de uno quartali dimidium modium siliginis, quartale tritici et quartale avenae cum duobus hallensibus, Henschil Hermanni de dimidio manso modium siliginis, dimidium modium tritici et dimidium modium avenae cum quatuor hallensibus, Petrus apud fontem dat et solvit de dimidio manso modium siliginis, dimidium modium tritici, dimidium modium avenae et qua- tuor hallenses, Henschil gener Jacobi de dimidio manso dat modium siliginis, dimi-

a) Coswig, Eph. Dreaden.

dium modium tritici, medium modium avenae et quatuor hallenses, Henschil Winkeler de uno manso modium tritici, duos modios siliginis, modium avenae et octo hallenses dat et solvit. Et quia resignatione dictorum bonorum, quae a nobis et ab ecclesia nostra Misnensi per dictum Nycolaum tenebantur in feudum — facta praefatus Syf- fridus nobis humiliter supplicavit, ut dictos mansos et bona praemissa — dilectis . . praeposito, . . decano et capitulo ecclesiae nostrae Missnensis dare — dignaremur, nos ipsius precibus favorabiliter inclinati, dictam emptionem et venditionem ratam — habentes dictos quatuor mansos, censum et bona praedicta cum areis domibus hortis et aliis attinentiis praemissis dominis . . praeposito, . . decano et capitulo ac ipsorum successoribus damus, donamus in proprium — ita quod idem dominus Syfridus ad vitae suae tempora obventiones et pensionem praedictas per se solum et in solidum percipiet et levabit. Ipso vero de hoc medio domino volente evocato collector et administrator reddituum capitularium redditus et proventus praedictos tollet et perci- piet et in anniversario dicti domini Syffridi duos solidos grossorum latorum canonicis emancipatis, integratis et vocem in capitulo habentibus et duodecim grossos vicariis perpetuis et temporalibus praefatae ecclesiae nostrae Misnensis in vigilia et in missa praesentibus, annis singulis perpetuis temporibus ministrabit. Ut autem praedicta nostra donatio — permaneat futurum in aevum perpetuo inconcussa, praesens privi- legium desuper conscribi et sigillorum nostri et capituli nostri memorati appensione fecimus communiri. Actum et datum Misnae anno domini M°. CCC°. LXVIo. IX. Kal. Junii, praesentibus honorabilibus et strennuis viris dominis Lutoldo de Stuternheym, Michahele de Dresden, Henrico de Wistrop cappellanis nostris, neenon Nycolao dicto Kuchinmeister, Henrico de Turgowe militibus, Theoderico de Rechinberg et Johanne Monetarii de Dresden testibus et quam pluribus aliis fide dignis.

Et nos Albertus Knut praepositus, Theodericus de Goch decanus totumque dictae Misnensis ecclesiae capitulum recognoscimus, quod appropriationi — ac omni- bus et singulis supradictis nostrum adhibuimus consensum — appendentes — sigillum nostri capituli in evidentiam huiusmodi nostri consensus pleniorem.

Nach dem Orig. im Stiftsarchiv zu Meissen mit den Siegeln des Bischofs und des Capitels an Pergament-

streifen.