In nomine s. et ind. trinitatis patris et filii et spiritus sancti amen. Auctor humani generis deus etc. Quamobrem nos Kunegundis abbatissa, Elizabeth priorissa totusque conventus monasterii sanctimonialium ordinis sancti Benedicti in Mulberg notum facimus — quod cum venerabilis vir dominus Lutoldus noster et monasterii nostri praedicti praepositus specialis devotionis affectione ad ecclesiam Misnensem eiusque gloriosos patronos — ardentius traheretur, ibique memoriam sui dum in humanis ageret pro salute sua et post ipsius obitum pro remedio animarum suae et progenitorum suorum et parentum ac etiam dominarum singularum et sororum nostra- rum conventualium dicti nostri monasterii in mortalitate sive pestilentia, quae nuper videlicet de anno domini millesimo trecentesimo quinquagesimo septimo miserabiliter viguit, defunctarum habendam suis elemosinis facere concepisset nostram accessit praesentiam, nobisque — certam pecuniae de bonis a deo sibi collatis tradidit quan- titatem eo pacto, quod nos et monasterium nostrum praefatae Misnensi ecclesiae nec non honorabilibus viris dominis . . praeposito, . . decano et . . capitulo ipsius pro tem- pore redditus sex sollidorum grossorum latorum Pragensium vel Misnensium annis singulis in beati Michaelis archangeli festis singulis dare et solvere de monasterio nostro et universis bonis et rebus ad ipsum pertinentibus perpetue debeamus. Ipsi

23

quoque domini . . praepositus, . . decanus et . . capitulum ecclesiae eiusdem pro tem- pore missam pro salute vivorum dici solitam interim dum dictus dominus Lutoldus praepositus noster vixerit cum commemoratione defunctarum sororum nostrarum praedictarum ac parentum et progenitorum eiusdem domini praepositi annis singulis in crastino beati Lucae evangelistae decantare, eo vero de hac vita sublato anni- versarium obitus sui diem, in qua ipsum mori contigerit, cum vigiliis et missa defunctorum pro anima sua et animabus parentum ac progenitorum suorum et soro- rum nostrarum praedictarum in dicta pestilentia defunctarum annis singulis ut moris est peragere, et de dictis sex sollidis grossorum quatuor sollidos dominis canonicis integratis et emancipatis, duos vero sollidos vicariis perpetuis et temporalibus prae-

sentibus perpetuo debeant ministrare. Et nos Kunegundis abbatissa nos et

monasterium nostrum — ad solvendum a1muatim praefatis dominis — et capitulo ecclesiae Misnensis — sex sollidos grossorum praedictorum, sponte, libere et ex certa scientia ac de expressa petita et obtenta licentia reverendi in Christo patris domini Johannis episcopi Misnensis obligavimus et praesentibus obligamus — renun- ciantes in hoc exceptioni doli mali, actioni in factum et quibuslibet privilegiis et indulgentiis a sede apostolica seu aliunde impetratis seu in posterum impetrandis, et generaliter omni iuris canonici aut civilis beneficio, quibus vel quo mediantibus contra praemissa venire vel in aliquo quoad contrarium faciendum iuvare nos possemus. Et ne in praemissis — oblivio — dubium aliquod ingerere valeat hanc paginam exinde conscribi et sigillis abbatissae et conventus nostri praedictorum fecimus in testimonium desuper sigillari.

Et nos Johannes dei gratia episcopus — recognoscimus, quod ad preces et instantias supplices devotarum in Christo abbatissae, priorissae et conventus mona- sterii in Mulberg praedictarum consensum nostrum et licentiam expressam obligationi, alienationi et omnibus aliis supradictis — praesentibus adhibemus omnia et singula praemissa — auctoritate nostra ordinaria confirmantes, et in evidens testimonium ipsorum sigillum nostrum praesentibus duximus appendendum. Datum Mulberg anno dom. millesimo trecentesimo quinquagesimo nono, feria quinta ante diem beati Mar- tini episcopi.

Nach dem Orig. im Stiftsarchiv zu Meissen mit den an Pergamentstreifen hilngenden wohlerhaltenen Siegeln des Bischofs, der Aehtissin und des Convents zu Muhlherg.