Alexander episcopus — venerabili fratri Thimoni episcopo Misnensi salutem etc. Personam tuam nobis et apostolicae sedi devotam tuis exigentibus meritis paterna benivolentia prosequentes illa tibi libenter concedimus, quae tuis oportunitatibus fore conspicimus oportuna. Cum itaque sicut exhibita nobis nuper pro parte tua petitio continebat, tu in exhibendo te generali concilio noviter in civitate Pisana celebrato magnis et diversis te submiseris oneribus expensarum, et in tui ab ecclesia tua Mis- nensi absentia non modica pertuleris in rebus et bonis ad ecclesiam eandem spectan- tibus iacturas et damna, nos tibi in relevamen onerum praedictorum de alicuius sub- ventionis auxilio providere volentes ac attendentes, quod onera in partes divisa facihus perferuntur, quodque sicut accepimus nonnulli ecclesiarum praelati, qui etiam ad huiusmodi concilium declinarunt seu procuratores aut oratores destinarunt eorum- dem, pro ipsorum sumptibus et oneribus commodius supportandis contributiones et aliqua caritativa subsidia a personis ecclesiasticis suarum civitatum et diocesium hacte- nus perceperunt, fraternitati tuae a quibuscunque personis ecclesiasticis tam exemptis quam non exemptis secularibus et regularibus in tua praedicta ac aliis tuarum civi- tatis et diocesis Misnensis ecclesiis beneficia ecclesiastica aut dignitates vel personatus

351

seu officia obtinentibus mediam decimam omnium fructuum et proventuum suorum ecclesiasticorum hac vice duntaxat exigendi et percipiendi, neenon personas tuarum civitatis et diocesis praefatas ad huiusmodi solutionem decimae auctoritate apostolica compellendi plenam et liberam concedimus auctoritate praesentium facultatem, non obstantibus quibuscunque statutis et consuetudinibus ecclesiarum huiusmodi contrariis, iuramento confirmatione apostolica vel quacunque firmitate alia roboratis, seu si per- sonis civitatis et diocesis Misnensis praefatis vel quibusvis aliis communiter vel divi- sim a dicta sit sede indultum, quod ad praestationem decimae alicui faciendam minime teneantur et ad id compelli aut quod suspendi vel excommunicari seu ipsi vel eorum loca interdici non possint per litteras apostolicas non facientes plenam et expressam ac de verbo ad verbum de indulto huiusmodi mentionem, et quibuslibet privilegiis indulgentiis et litteris apostolicis generalibus vel specialibus quorumeunque tenorum existant, per quae praesentibus non expressa vel totaliter non inserta effectus huius- modi gratiae impediri valeat quomodolibet vel differri, et de quibus quorumque totis tenoribus de verbo ad verbum habenda sit in nostris litteris mentio specialis, proviso quod beneficia praedicta debitis propterea non fraudentur obsequiis et animarum cura in eis quibus illa imminet, nullatenus negligatur. Nulli ergo etc. Si quis autem etc. Datum Pisis Non. Julii pontificatus nostri anno primo.

Lazarus.

A. de Baronibus.

Clemens.

P. Negrandi.

Nach dem Orig. im K. flaupt. Staatsarchiv zu Dresden mit dem Bleisiegel an Faden von rother und gelber Seide.