In Christi nomine amen. Nos Conradus dei et apostolicae sedis gratia eccle- siae Myssnensis episcopus — recognoscimus publice profitentes, quod nos una cum venerabilibus viris dominis . . praeposito, . . decano et capitulo ecclesiae nostrae Mis- nensis capitulariter congregatis pensata diligentius et considerata notabili mensae nostrae episcopalis ac fabricae ecclesiae nostrae praedictae utilitate ex certa scientia et voluntate benivola omnium quorum interest, praehabito super huiusmodi tractatu maturiori, rite ac rationabiliter permutationem fecimus cum vinea dicta der Schram- menberg —. In cuius vineae — quae communi aestimatione valuit et pro octoginta sexagenis grossorum Missnensium tunc temporis vendi potuisset, et quae cum omnibus suis proventibus utilitatibus et pertinentiis ad mensam episcopalem perpetuo pertinebit, refusionem et recompensam vigore permutationis praedictae nomine concambii capitulo et fabricae supradictis censum et redditus infrascriptos, videlicet quatuor sexagenas grossorum Misnensium et decem et octo pullos in villis Preuda et Prizser") districtus Misnensis per magistrum fabricae, qui per . . praepositum, . . decanum et capitulum ecclesiae Misnensis praenominatae deputatus pro tempore fuerit, a censualibus et red- dituariis subscriptis de bonis ac mansis eorum, quae et quos colunt et possident, neenon ipsorum in bonis eisdem successoribus annis singulis percipiendos, matura deliberatione praevia dedimus et assignavimus ac praesentibus damus et assignamus cum iudicio hereditario proprietatis titulo perpetuo possidendos, iudicio tamen supremo et precaria cum servitiis solitis in et super bonis ac mansis subscriptis eorumque possessoribus nobis et nostris successoribus omnimode reservatis. Quos siquidem censum et redditus etiam communi aestimatione octoginta sexagenas grossorum valentes praetextu permutationis antedictae ut praemittitur capitulo et fabricae eccle- siae nostrae saepedictae de expresso et concordi eiusdem nostri capituli beneplacito et consensu in ius et proprietatem ipsius liberaliter transferentes annectimus unimus et appropriamus ad certos usus in prioribus nostris litteris expressos iuxta dispositio- nem et ordinationem domini Nicolai Monetarii — distribuendos et dividendos, reserva- tione nostra superius tacta nobis et nostris successoribus salva permanente, vendicantes nihilominus nobis nostrisque successoribus ex translatione et resignatione capituli nostri nomine fabricae factis, plenum et perfectum dominium ac usufructum vineae supradictae ex causa permutationis praenarratae ad mensam episcopalem perpetuis temporibus spectandae et pertinendae, nullo penitus iure alicui alteri in dicta vinea et eius utilitatibus ac proventibus recognito seu reservato. Et ne successu temporis alicui in solutione census praedicti dubium oriatur aliquale, censitas seu colonos man- sorum praedictorum praesentibus duximus inserendos. Primo de villa Preuda Henschzil

a) vgl. No. 007. COD. UIPL. SAX. II. 2.

1)»

14ti

de uno et dimidio mansis solvit et dat tres sollidos grossorum, medietatem in festo purificationis Mariae et residuum in festo Walpurgis, Conradus Ropschicz de uno manso duos sollidos grossorum et quatuor pullos, Johannes Dobran de uno mauso duos sollidos grossorum, Nicolaus Ketan de uno cum dimidio mansis tres sollidos grossorum, Johannes Rodestog de uno et dimidio mansis tres sollidos gros- sorum, Jacobus Pauli de uno manso duos sollidos grossorum et quatuor pullos. Item in villa Prizser Heynricus Kruysphar de uno et dimidio mansis tres sollidos grosso- rum et sex pullos, Nicolaus in angulo de uno manso duos sollidos grossorum et quatuor pullos, medietatem eiusdem census in festis Michaelis et Walpurgis resi- duam partem annis singulis solvere tenebuntur. In quorum omnium testimonium et evidentiam firmiorem praesentes litteras scribi et nostri autentici sigilli fecimus appensione muniri. Datum et actum Misnae anno domini millesimo trecentesimo septuagesimo tertio in vigilia beati Laurencii martyris et levitae, praesentibus et testibus venerabilibus et discretis viris dominis Jacobo de Kunczindorf Lubucensis, Gunthero Karas Wurczinensis canonicis, Hermanno de Nova Civitate et Cabriele de Nassow perpetuis vicariis Misnensis ecclesiarum et Johanne Mekol nostro prothono- tario, pluribusque aliis fide dignis.

Et nos Heinricus praepositus, Nicolaus decanus totumque capitulum ecclesiae Misnensis praedictae, recognoscimus publice per praesentes praemissis permutationi, census et reddituum assignationi, unioni et appropriationi expressum nostrum adhi- buisse et praesentibus adhibere consensum, — harum, quibus maius sigillum capituli nostri appensum est, testimonio litterarum

Nach dem Orig. im Stiftsarchiv zu Meissen; die wenigen ganz unwesentlichen Abweichungen einer zweiten im K. Haupt - Staatsarchiv zu Dresden befindlicheu Ausfertigung (B) sind iibergangen; an beidem Ex. sind die Siegel des Bischofs und des Capitels mit Pergamentstreifen befestigt.

1) Datum tt acttun ubi supra B.