In nomine domini amen. Cum omnia et singula etc. Nos igitur Meynherus et Bertoldus dei gratia burgrauii sacri imperii in Misna et comites in Hartinstein ad universorum tam praesentium quam futurorum discretionem praesentium seriem litte- rarum cupimus pervenire, quod strennuus Johannes de Waldow miles, noster fidelis dilectus, de consensu et bona voluntate suorum heredum ac bona deliberatione prae- habita sex sexagenas grossorum Fribergensium, viginti octo pullos et tres sexagenas ovorum cum decem ovis annui census siti in villa et in pago villae Clanczewicz, districtus Misnensis, in parrochia sancti Gothardi prope Ganam"), quem censum singulis annis solvunt solverunt et solvere consueverunt infrascripti rustici eorumque heredes et successores in eadem villa Clanczewicz residentes, videlicet medietatem pro festo sanctae Walpurgis et medietatem pro festo beati Michaelis, Heynrich Rochs- berg de uno manso unam sexagenam viginti duos grossos, quadraginta ova paschae et sex pullos Bartholomei, Ruprecht Granucz de uno manso unam sexagenam gros- sorum viginti duos grossos, quadraginta ova pascae et sex pullos Bartholomei, Ma- they Arnold de uno manso unam sexagenam decem grossos, quadraginta ova pascae et sex pullos Bartholomei, Jacob Haferlant de uno manso unam sexagenam grosso- rum duos grossos, quadraginta ova pascae et sex pullos Bartholomei, Henczil Mudrak de uno manso unam sexagenam grossorum, triginta ova pascae et quatuor pullos Bartholomei, Mertin Bryel de medio manso duos grossos, Jacob Juche de medio manso duos grossos, quem censum dictus Johannes de Waldow a nobis in feudum tenuit — pro centum et viginti sexagenis grossorum Fribergensium eidem Johanni de Waldow et suis heredibus integraliter solutis vendidit venerabilibus viris dominis Nicolao decano, Palberto de Mulhusen cantori totique capitulo ecclesiae Misnensis. Quem quidem censum idem Johannes de Waldow constitutus coram nobis in manus nostras libere resignavit, renunccians cum dictis heredibus suis omni iuri et actioni ac cuiuscunque legis auxilio et beneficio, quae sibi aut cuilibet eorum competerent in

a) Clanzschwitz, P.ir. Jahna.

175

eodem censu et bonis seu competere possent in futurum, et per quae possent contra resignationem et renuncciationem praedictas venire in toto vel in parte. Et quia memorati domini . . decanus, . . cantor et capitulum iam dictum censum cum aliis obventionibus et oblegiis conferri — ipsis et ecclesiae praedictae petierunt, nos igitur Meynherus et Bertholdus praedicti petitionem dictorum dominorum iustam, piam et deificam considerantes, ipsorum precibus favorabiliter inclinati, praedictum censum seu

bona dictis dominis — et capitulo ecclesiae Misnensis contulimus cum areis

aedificatis seu aedificandis, cum omni iure, utilitate et fructu iusque nostrum, quod in censu seu bonis praedictis nobis et heredibus seu successoribus nostris competebat vel quocunque modo de iure vel de facto competere posset, in capitulum et ecclesiam Misnensem praedictam transferimus pleno iure, nihil iuris nobis et heredibus seu suc- cessoribus nostris in censu et bonis praedictis penitus reservantes. In quorum omnium robur et evidens testimonium sigilla nostra praesentibus duximus appendenda, prae- sentibus et testibus strennuis et honestis viris Johanne de Stuchow nostro secretario, Friderico Marschalci de Mokrucz, Reynhardo de Richinstad nostris familiaribus, Ber- tholdo de Gebese perpetuo, Nicolao Raschkewicz, Johanne plebano in Eudinstorf temporalibus ecclesiae Misnensis vicariis, Johanne Porczk et Alberto Monyrsburg clericis pluribusque aliis fide dignis. Datum et actum Misnae in curia habitationis nostrae anno domini millesimo tricentesimo septuagesimo nono, in die sancti Kalixti papae et martyris.

Xach dem Orig. im Stiftsarclriv zu Meisseu mjt den Siegeln der Burggrafeu (Schild mit dem Andreas- kreuz) an Pergamentstreifen.