Nos Rudolfus dei et apostolicae sedis gratia episcopus ecclesiae Misnensis tenore praesentium recognoscimus universis, quod constitutus coram nobis honorabilis vir dominus Martinus Czikow perpetuus vicarius vicariae beatorum apostolorum Sy- monis et Judae in dicta ecclesia nostra Misnensi nobis exponere curavit, quomodo totalis decima tam de agris quam de pratis allodii nostri in Groslicz ad dictam suam vicariam de iure pertineret et debeat pertinere, supplicans nobis humiliter et devote, quatenus huiusmodi decimam sibi dare et porrigere dignaremur. Sed quia ipsa decima nec per nos nec per praedecessorem nostrum ut intelleximus dicto domino Martino data fuerat, nec de iure ipsius domini Martini nobis tunc constabat, ipsam decimam tunc sibi dare denegavimus adiicientes, quod per huiusmodi nostrum responsum iuri beneficii sui non vellemus aliqualiter derogare, immo potius salubri intentioni dictam vicariam instituentium innitendo ac ipsam pio affectu prosequendo praefatum dominum Martinum in iure suo vellemus conservare, maxime quia ius praesentandi dictae vica- riae ad nos pleno iure dinoscitur pertinere, postquam idem dominus Martinus nos de iure suo legittime informaret. Tandem praedictus dominus Martinus pro iure suo nobis certas litteras privilegia et munimenta dictam vicariam instituentium praesen- tavit, quibus receptis et cum capitulo nostro Misnensi diligenter auscultatis, bene perlectis et debite intellectis, invenimus dictam decimam allodii nostri in Goslicz ad memoratam vicariam beatorum apostolorum Symonis et Judae pertinuisse et pertinere, antedictumque dominum Martinum nomine beneficii sui ad praedictam decimam resti- tuendum fore et restitui debere ac reintegrari. Nos igitur Rudolfus episcopus Mis- nensis supradictus nolentes ea, quae per Christi fideles pie et rite acta sunt, retractare et quae ad cultum divinum deputata sunt minuere vel auferre, immo potius ea et cultum divinum quantum in nobis est augmentare volentes, et ex praemissis causis de consilio et consensu dicti capituli nostri memoratum dominum Martinum nomine praedicti sui beneficii ad praefatam decimam in Goslicz restituimus et reintegramus dei nomine in his scriptis. Et licet praedictum allodium nostrum per antecessores nostros adeo desolatum existat, ut modicum nobis de ipso cedat pro praesenti, per hoc tamen dicto beneficio nihil deperire cupientes, incertos fructus in consolationem certam commutare volentes, pro dicta decima et loco ipsius decimae in omnem even- tum dicto domino Martino et suis successoribus de consensu et consilio dicti capituli nostri, voluntate et consensu memorati domini Martini pro se et suis successoribus etiam accedente, de dicto allodio deliberavimus dare duas sexagenas grossorum usualis monetae, prout communiter in terra Misnensi pro censu dabuutur et recipientur; quae inquam duae sexagenae grossorum ad praesens solvunt sex florenos Rynenses.

55*

436

Quas quidem duas sexagenas grossorum promittimus bona fide, nomine nostro et successorum nostrorum dare et sine contradictione pagare supradicto domino Martino et suis successoribus pro dicta decima et loco ipsius de praedicto allodio in omnem eventum annis singulis perpetuis temporibus in festo beati Michaelis, eo tempore quo dictum allodium habebimus in nostra potestate, omni dolo et fraude postergatis. Si autem nos dictum allodium de consensu capituli nostri vendere, hereditarie exponere vel sub annua pensione locare contingeret, per hoc iuri dicti beneficii in nullo volumus derogare, sed volumus quod duae sexagenae grossorum vicario praedictae vicariae pro tempore per possessorem vel possessores ipsius allodii de ipso allodio in omnem eventum solvantur iuxta omnem modum prius expressum. Eo etiam proviso, quod litterae recolendae memoriae domini Witegonis quondam episcopi Misnensis super dicta decima confectae, quantum ad illam clausulam de decima in Goslicz duntaxat, in antea et deinceps nullam habeant seu habere debeant roboris firmitatem, aliis autem omnibus in dictis litteris contentis In sua firmitate duraturis. In cuius rei evidens testimonium sigillum nostrum praesentibus est appensum sub anno domini millesimo quadringentesimo decimo sexto sabbato ante festum beati Bartholomaei apo- stoli gloriosi.

Et nos Nicolaus decanus, Nicolaus de Gubin archidiaconus Nisicensis, Wal- therus de Kokericz archidiaconus Lusaciae, Nicolaus Czigeler custos, Johannes de Goch praepositus ecclesiae sancti Sebastiani in Magdeburg, Johannes de Slinicz prae- positus Budissinensis, Stephanus Moir scolasticus, Petrus Sparnaw praepositus Merse- burgensis, Johannes de Malticz et Hermannus Radestog cantor et canonici ecclesiae Misnensis publice recognoscimus —, in commutationem dictarum decimarum prout superius est expressum consensimus et consentimus, ideoque sigillum nostri capituli in testimonium omnium praemissorum praesentibus duximus appendendum sub anno domini ut supra etc.

Nach dem Orig. im K. Haupt - Staatsarchiv zu Dresden mit den Siegeln des Bischofs und des Capitels an Pergamentstreifen.