Nos Heinricns praepositus, Nicolaus decanus totumque capitulum ecclesiae Misnensis notum facimus universis praesentes litteras inspecturis, quod cum praeclarae memoriae inclitus priuceps dominus quondam Ludewicus Romanus Braudemburgensis et Lusatiae marchio speciali ductus favore, quem ad ecclesiam nostram gerere vide- batur, ius patronatus praepositurae sive ecclesiae parrochialis in Lubbin nobis et ecclesiae nostrae donavit, nosque tam pium tamque devotum eius propositum a1n- plectentes ad incorporationem et unionem de eadem ecclesia archidiaeonatui Lusatiae postmodum factam consensum nostrum adhibuinius ea potissimum, quae etiam de ipsius donatoris voluntate procedere videtur, ratione, quod quia archidiaconi non in Lusatia, sed in Misna suam consueverunt habere mansionem, ne populus terrae expensis et laboribus nimium vexetur, archidiaconus pro tempore, postquam ecclesiae praedictae et ipsius pertinentiarum pacificam possessionem habere et retinere potuerit et habuerit, officialem foraneum ad libitum tamen quotiens videbitur mutandum, ad locum Lubbyn praedictum, ut ibidem sui iudicii consistorium teneat et iurisdictionem ecclesiasticam in causis ad forum ecclesiasticum et ad ipsius archidiaconi examen et cognitionem spectantibus exerceat, locare debeat et tenere, nisi tanta esset alicuius qui ad ipsius traheretur tribunal saevitia seu potentia, quod officialis ipse eius poten- tiam et saevitiam merito perhorrescens iustitiam de ipso reddere non posset vel auderet conquerenti. Et hoc casu potest licite conquerens, sicut posset ad alium

113

competentem iudicem, recursum ad ipsius archidiaconi praesentiam habere pro iustitia consequenda. In quo quidem modo, videlicet ut per archidiaconum Lusatiae pro tempore servari ut praemittitur debeat, tunc consensimus et nunc etiam quantum in nobis est consentimus salvo eo, quod ad beneficia ecclesiastica iu archidiaconatu Lu- satiae vacatura debent eorum patroni clericos idoneos archidiacono pro tempore de cetero personaliter praesentare, qui ab ipsis ad eadem beneficia institutis obedientiam sicut hactenus fieri consuetum est recipiat manualem. Excessus etiam clericorum qualitercumque delinquentium potest et debet idem archidiaconus corrigere, ubi et quando sibi faciendum videbitur iuxta exigentiam delictorum. In cuius rei testimo- nium et evidentiam firmiorem praesentes litteras sigilli nostri capituli fecimus appen- sione muniri. Datum et actum Misnae anno a nativitate domini millesimo trecen- tesimo septuagesimo in crastino corporis Christi die videlicet quartadecima mensis Junii.

Nach dem Orig. im Stiftsarchiv zu Meissen mit dem Siegel des Capitels an Pergamentstreifen. Worbs a. a. 0. Bd. I. S. 323-25.