Johannes dei gratia Misnensis ecclesiae episcopus discreto viro domino Mathiae plebano in Terpt salutem in domino sempiternam. Cum nos iam dudum ecclesiam parrochialem in Lubbin archidiaconatui Lusatiae de capituli nostri ac patroni et omnium aliorum quorum intererat voluntate libera et consensu incorporandam et unien- dam duxerimus, et etiam ex iustis causis nos moventibus incorporaverimus et uni- verimus per honorabilem virum dominum Conradum Prfize archidiaconum Lusatiae modernum et omnes ipsius in eodem archidiaconatu successores post mortem domini Gebehardi praepositi sive plebani eiusdem ecclesiae perpetuis temporibus possidendam, prout in litteris nostris patentibus et aliis desuper confectis latius continetur, et quia eundem dominum Gebehardum domino disponente de hac vita novimus sabbato pro- ximo praeterito decessisse, igitur discretioni vestrae praecipiendo mandamus, quatinus locum Lubbin praedictum personaliter accedentes, praefatum dominum Conradum Pruze archidiaconum in possessionem ecclesiae praedictae vigore unionis praelibatae mittatis corporalem, facientes sibi per populum ipsius obedientiam et reverentiam debitas exhiberi ac de fructibus et redditibus ad ipsam spectantibus plenarie responderi. Datum Misnae anno millesimo tricentesimo sexagesimo sexto in die beati Michaelis archangeli nostro sub secreto.

Nach dem Orig. im Stiftsarchiv zu Meissen mit dem Secret des Bischofs an einem Pergamentstreifen.