In nom. dom. amen. Anno a nativitate eiusdem millesimo trecentesimo septua- gesimo tertio, indictione undecima, vicesima prima die mensis Aprilis, hora vespe- rarum vel quasi ante cameram posteriorem castri Gypkenstein prope opidum Hallis situati, pontificatus sanctissimi in Christo patris ac domini nostri domini Gregorii digna dei providentia papae undecimi anno tertio, in mei notarii publici et testium subscriptorum praesentia constituti reverendi in Christo patres ac domini, domini Petrus archiepiscopus Magdeburgensis, Conradus Misnensis, Fridericus Mersburgensis personaliter, Withigo Nuemburgensis, Theodericus Brandeburgensis et Theodericus Havelbergensis per eorum legitimos procuratores, ecclesiarum episcopi ipsius archi- episcopi Magdeburgensis suffraganei, mihi quandam unionis cedulam, quam tunc reve- rendus in Christo pater ac dominus, dominus Conradus episcopus ecclesiae Misnensis praedictus in manibus tenebat exhibentes me cum diligentia, ut super eandem unum vel plura conficerem publica instrumenta requirendo, cuius quidem literae unionis tenor sequitur et est talis:

13"

140

Cum magistra rerum experientia legalibus hortationibus instruat adversus ea, quae verisimiliter accidunt, cautius providere, ne postea lamentabiliter deplorari valeant quae antea negligenter sunt obmissa, idcirco noverint universi praesentem literam inspecturi, quod nos Petrus archiepiscopus Magdeburgensis, Conradus Mis- nensis, Fridericus Mersburgensis, Withigo Nuemburgensis, Theodericus Brande- burgensis et Theodericus Havelbergensis ecclesiarum episcopi, dictae Magdeburgensis ecclesiae suffraganei, ac totius cleri provinciae Magdeburgensis nomine dicta attenta auctoritate volentis quantum nobis est possibile circa emergentia nobis et ipsi clero salubrius providere, ac eorum malitiam, qui nobis sua adversantur astutia, simul et unanimiter extra nostros terminos procul effugare, iuxta documenta canonica, quae divisionem inprobant, eo quod triplex funiculus difficile rumpitur et virtus unita validior quam ipsa dispersa dignoscatur, et ne insidiatores callidi de praeventa malitia superbe valeant gloriari, cum nos plangere forte contingeret negligenter obmissa, de expresso omnium nostrum consensu et unanimi voluntate, ex certa scientia et non per errorem deliberationibus super hoc saepius habitis et tractatibus, simul et ad invicem nos obligavimus, astrinximus et praesenti pagina firmiter obligamus et astrin- gimus contra venerabilem virum dominum Heliam de Vrodamo ecclesiae Zanctensis cantorem, nuncium sedis apostolicae et camerae apostolicae collectorem, levatorem et exactorem decimae papalis nobis et provinciae nostrae nuper inpositae et contra quemlibet ipsorum, si et in quantum in ipsa decima colligenda et extorquenda nos gravarent seu gravare niterentur, quod tamen de intentione sanctissimi in Christo patris ac domini nostri domini Gregorii digna dei providentia papae undecimi proce- dere non videtur, in cuius et sedis apostolicae obedientia persistere et manere volu- mus, sibique parati esse in his et omnibus possibilibus ac suae voluntatis beneplacito parere semper cum effectu, ita quod nullus nostrum alio dimisso seu excluso se super aliqua quota cum ipsis collectoribus seu eorum in hac parte vices gerentibus con- ponat aut etiam aliquo modo concordet, nisi de clericorum omnium nostrorum pro- cedat bona voluntate, communibusque totius provinciae promittimus expensis defensare et relevare, ac alia agere, quae occasione dictae decimae levandae et extorquendae duntaxat nos vel aliquem ex nobis etiam minimum nobis subiectum contingeret susti- nere. In cuius rei testimonium et evidentiam pleniorem nos Petrus archiepiscopus Magdeburgensis, Conradus Misnensis, Fridericus Mersburgensis, Withigo Nuembur- gensis, Theodoricus Brandeburgensis et Theodericus Havelbergensis ecclesiarum epi- scopi sigilla nostra huic instrumento duximus appendenda. Acta sunt haec anno indictione die mense hora loco et pontificatu quibus supra, praesentibus nobili Gun- thero comite in Mulingen et domino in Barbe, strenuo domino Henrico de Buna milite, nec non honorabilibus viris dominis Henrico de Alczleuben plebano sancti Jacobi in Magdeburg et Johanne Pruznicz altarista beatae Mariae virginis in ecclesia Pragensi bacalaureo in decretis, testibus ad praemissa vocatis specialiter et rogatis.

Et ego Gotfridus quondam Arnoldi de Cliuis clericus Coloniensis publicus imperiali auctoritate notarius, quia praedictorum dominorum episcoporum unioni ac eiusdem tractatui, unionis cedulae praesentationi ac omnibus aliis et singulis una cum praenominatis testibus praesens interfui eaque dum sic ut praemittitur fierent, vidi et

141

audivi et in hanc publicam formam redegi, et per alium quia aliis praepeditus nego- tiis scribere feci, meisque nomine et signo solitis consignandam in testimonium praemissorum.

Nach dem Orig. im Stiftsarchiv zu Brandenburg. Von den an Pergamentstreifen befestigten Siegeln sind die der Bischofe von Naumburg und Brandenburg nicht mehr vorhanden.

Gercken fragm. March. II. p. 73 — 76. — Riedel cod. dipl. Brand. I. Bd. 8. S. 302 f.