Wir Rudolff von gotis guaden byschoff czu Missin bekenen —, daz der erber vnd gestrenge Vincencius von der Plauwenicz vnsir vettir, Gerdrudis syne wyrtynne vnd syn erbin, Heinrich von Brysenicz, Heinrich Ponkow, Peczolt vnd Hans von Buckewicz, Hans vnd Rudolfl7 von der Plauwenicz syne getruwishendir vns vnd vnsir kirchin czu Missin mit rate wissin vnd volbort der erbern herren techand vnd vnsirs ganczin capittils czu Missin recht vnd redelich abegekoufft habin XL schok Bemischer groschen Prager czal—jerlichis czinsis vff vnsirn gutern vnd renten, dy czu vnsirn tysche vnd kamer gehorn, nemelichin von den L schok, dy wir alle jar jerlich off der stad czum Hayn habin czu hebin, vnd dy wir — vorbaz — jerlichen reychin vnd vz vnsir kammer beczalin sullin dem vorgnantin Vincencius, Gerdrud syner wirtyn — alle jar dy wile desir kouff sted vnd gewerd. Dy vorgnantin czinse habe wir im gegebin vmme CIII I schog Bemischer groschin, dy her vns gereyt vnd nuczlich beczalt had, vnd wir sy — an bequemeliche offinbar nucze vnsir kirchin nemelichin czu dem wedir kouffe des forwerg czu Godow vnd L schok Bemischer gr. jerlichir czynse, dy byschoff Tyme vnsir nestir vorffar Albrecht von Lutycz vor- koufft hatte, gewand habin. Were ouch sache, daz vnsir herrin dy marggrauen von Myssin dy vorgnantin czinse, dy wir dem egnantin off der stad czum Hayn benflmyt habin, wedir abe kouffin wolldin, so solle wir — von dem selbin gelde dem vor- gnantin Vincencius — syne CIIII schog wedir gebin —. Wuldin abir eyn nach- kummendir bischoff adir daz capittel — dy XL schog — wedir kouffin, dy sullin sy vns wedir czu kouffe gebin vmme CIIII schog —, dach also daz man — den

49*

388

wedirkouf eyn virtel jars czuvor uff sagin vnd dy beczalunge der phennyge — sal geschen czu Rochelich adir czu Coldicz, wo daz den vorgnantin wirt ebin syn vnd bequeme —. Dez czu orkunde vnde bekentenisse etc. Gegebin nach Cristi geborte XIIIIC jar, dar nach in dem czwelfftin jare an sente Bartholomeus tage dez heilgin czwelffboten.

Wir Johannes techand, Caspar von Schonenberg, magister Nicolaus von Gu- bin, Waltir von Kokericz, Nicolaus Czigeler, her Johannes von Gouch, Johannes von Slynicz, Nicolaus von Heynicz, Stephanus M5r, Theodericus Kruczburg, Jo- hannes von Malticz vnd Hermannus Radestog thumherren vnd das gancze capitel der kirchen czu Missin bekennen, daz wir czu allir vbir vorschribunge vnsirs herren bischoffs Rudolffs vnsirn willin gegebin habin etc.

Nach dem Liber Rudolphi fol. i'6h im Stiftsarchiv zu Meissen.