Ich Balthsar von Malticz gesessin czu Scharfinberg bekenne offinlich in dysem brife vnde tw kunt allen den, dy en vmmir sehen adir horen lesin, daz ich mit wol bedachtin muthe vnde gutim rathe mynir frunde recht vnde redelichen vorkowft habe dcn erbirn herin ern Nicolaus techande vnde dem capittil gemeyne czu Misen alle dy gfithe, czinse vnde gulde, dinst geschos vnde bethe, dy ich bys her besessin vnde gehat habe czu Benkewicz in velde vnde in dorfe, vnde daz habe ich en vor- kowft mit allen dinsten, gerichtin vnde rechtin, vz geslossin halsgerichte, des ich en nicht vorkowft habe, dar an sy mich nicht hindern sullen, vnde haben en daz alles gegebin vmme sechs vnde sechczig schog groschin vnde drysig groschin gutir Fri- bergischir muncze, dy sy mir iczunt gancz vnde gar nuczlich beczalt habin. Ich sal ouch noch myne erbin vnde nochkomelinge czu Scharfinberg vorbas me nummir keyne bethe noch robothin noch dinste noch sture noch keynirleye beswerunge an dem vorgenantin dorfe vnde guthe czu Benkewicz geheyschen noch nemen ane allir- leye argelist. Des habe ich czu orkunde vnde merer sichirheit myn ingesigel wis- sintlich an dysin briff lazin hengin, der gegebin ist noch gotis geborth dryczenhundirt iar, dor nach in dem nfinczigistin iare an dem tage der besnydunge vnsers heren.

Nach dem Orig. im Stiftsarchiv zu Meissen mit dem Siegel Balthasars von Maltitz an einem Pergament-

streifen.