Nos Conradus dei et apostolicae sedis gratia episcopus Misnensis ecclesiae notum facimus — quod pro declaratione sive elucidatione ordinationis et pronuncia- tionis inter bonae memoriae dominum quondam Johannem episcopum Misnensem praedecessorem nostrum ab una et capitulum ecclesiae nostrae parte ab alia olim factae et habitae, litteris quoque et iuramentis firmatae, infrascripta honorabilibus viris dominis . . praeposito, . . decano et capitulo ecclesiae nostrae promisimus et praesentibus promittimus bona fide, quod inferiores praelatos et archidiaconos eccle- siae nostrae nobis subiectos in iurisdictionibus suis exercendis et correctionibus sub- ditorum suorum, clericorum et laicorum faciendis, in nullo debemus impedire, prout in ordinatione cavetur supradicta. Item, quod casus et excessus per eosdem archi- diaconos prius correctos corrigere iterato non debemus. Item quod eisdem praelatis et archidiaconis inhibere ipsosque ne clerum et populum sibi subiectos, etiam si in castris et munitionibus nostris propriis consistant, visitent vel visitare faciant, de cetero aliqualiter non debemus. Item quod de institutionibus et investituris quorum- cunque beneficiorum ecclesiasticorum sub quibuscunque praelatis et archidiaconis nostrae dioecesis et in eorum archidiaconatibus consistentium nos intromittere non debemus, etiam si ipsa beneficia sint in nostris propriis castris et munitionibus con- stituta; sed si qua vacant aut vacabunt beneficia cum cura vel sine cura ad nostram collationem vel praesentationem spectantia, ad illa personas idoneas praelatis et archi- diaconis, in quorum archidiaconatibus beneficia ipsa sita sunt, praesentare debemus, qui ipsis curam animarum committere, si curata sunt, instituere et in corporalem possessionem beneficiorum eorundem mittere possunt et debent praesentatos eosdem et obedientiam manualem recipere ab eisdem, nec etiam de permutationibus expediendis et de personis permutantium de beneficio ad beneficium transferendis et absentias sive abessendi licentias de beneficiis suis quibuscunque concedendis intromittere nos debe- mus, cum haec omnia ad praelatos et archidiaconos nostros inferiores et non ad nos spectent, qui huiusmodi sua possunt et debent auctoritate expedire, prout in prae- dicta ordinatione continetur. . Item quod nos de cetero aliquas commissiones quibus- cunque personis in praeiudicium iurisdictionis praedictorum praelatorum et archidia- conorum nobis subiectorum concedere non debemus. Item quod quando visitationis officium per nos vel alios exercere de cetero volumus, notarium publicum et testes apud nos seu visitatores nostros habere debemus, qui in visitatione detecta fideliter conscribat et copiam super eisdem si necesse fuerit etiam sub manu publica patenti faciat, et quando visitare incipimus visitationem ipsam per nostram totam dioecesin absque intervallo temporis consummare et perficere, ipsosque casus et excessus in eadem visitatione detectos corrigere debemus irifra quinque menses visitationem huius

20*

156

modi inmediate secuturos, nec aliqua de cetero corrigere debemus, nisi ea duntaxat, quae in visitationibus nostris nobis deteguntur. Item quod capitulum nostrum et per- sonas ecclesiae nostrae in iurisdictionibus eorum temporalibus et hereditariis libere exercendis in nullo impedire debemus, sed ipsos iurisdictione huiusmodi eorum hereditaria uti permittemus, nec exactiones aliquas sive precarias ab hominibus capituli et personarum eoilesiae nostrae in iurisdictione nostra temporali residentibus exigere et recipere debemus quovismodo. Per praemissa autem non intendimus nec volumus ordinationem et pronunciationem praedictas, in quibus fere omnia praedicta clarius continentur in aliquo immutare nec quovismodo venire contra eas, sed volumus quod salvae et illaesae nobis successoribusque nostris et capitulo nostro maneant in omnibus et singulis suis articulis sive punctis, de quo protestamur in his scriptis. In quorum omnium et singulorum praemissorum evidens testimonium sigillum nostrum autenticum praesentibus duximus appendendum. Datum et acrum Misnae anno domini M°. CCC°. LXXIIIP. in die beati Lucae evangelistae.

Nach dem Orig. im Stiftsarchiv zu Meissen mit dem Siegel des Bischofs an einem Pergamentstreifen.