In nomine domini amen. Anno nativitatis eiusdem millesimo CCCmo octogesimo nono indictione duodecima mensis Augusti die quarta hora tertiarum vel quasi ponti- ficatus sanctissimi in Christo patris ac domini nostri domini Vrbani divina providentia papae sexti anno duodecimo coram venerabilibus viris dominis Ramfoldo de Palenczk, Theoderico de Goch, Johanne de Hersteyn, Andrea Grawe, Conrado de Wydere, Henrico de Grunerade et Henrico de Wysenbach ecclesiae Misnensis canonicis in cappella omnium sanctorum simul et capitulariter congregatis in meique notarii publici et testium subscriptorum praesentia constitutus personaliter honorabilis vir dominus Nicolaus de Aldinburg eiusdem ecclesiae Misnensis decanus sanus corpore mente et conscientia ac compos rationis suum volens condere, prout condidit in dicta ecclesia Misnensi testamentum, decem marcas puri argenti annui census in et super opido Mulhusen Maguntinensis diocesis apud . . consules scabinos et iuratos ibidem de suis facultatibus et bonis propriis a deo sibi concessis emptas rite et rationabiliter com- paratas ad dictam ecclesiam Misnensem pro salute animae suae ac in remedium omnium parentum suorum peccaminum humiliter legavit, donavit ac meliori modo via et iure quibus fieri potuit assignavit pro duobus beneficiis ecclesiasticis seu vicariis in eadem ecclesia Misnensi de novo fundandis, erigendis et sollempniter dotandis, ac ad honorem dei omnipotentis gloriosaeque matris suae ac beatae Katherinae virginis sanctique Nicolai episcopi et aliorum sanctorum consecrandis, et specialiter pro duobus cappellanis suis domesticis et cottidianis, videlicet dominis Jacobo de Summerfelt et Johanne de Radeburg presbyteris idoneis Misnensis diocesis, quibus praefatus dominus

240

. . decanus primam collationem dictorum beneficiorum seu vicariarum pure propter deum fiendam desideravit, expresse deputavit et assignavit, ita tamen quod usum fructum commodum et utililitatem dictarum decem marcarum omnimodam idem dominus decanus quoad vitae suae tempora plenarie sibi reservavit, et in hoc per capitulum suum nec per . . vicarios praedictos quovis modo debeat verbo vel facto impediri. Quam quidem donationem et testamentum praefatus dominus Ramfoldus de Palenczk tamquam senior in capitulo nomine ecclesiae Misnensis saepedictae stipulanti manu a memorato domino . . decano suscepit. Super quibus omnibus et singulis praemissis praefatus dominus . . decanus me notarium publicum infrascriptum requisivit et petiit, ut unum vel plura super hoc sibi et ecclesiae Misnensi iam dictae conficerem publica instrumenta. Acta sunt haec Misnae anno indictione mense die hora loco et pontifi- catu quibus supra, praesentibus honorabilibus et discretis viris dominis Gabriele de Nassow et Johanne Peregrini perpetuis et Nicolao Palen temporali vicariis ecclesiae Misnensis praedictae testibus ad praemissa vocatis specialiter et rogatis.

Et ego Nicolaus Homud clericus Misnensis diocesis publicus imperiali oa auctoritate notarius, quia dicti testamenti legationi, assignationi et requisi- \ tioni ac omnibus aliis et singulis praemissis dum sic agerentur et fierent I una cum praenominatis testibus praesens interfui, eaque sic fieri vidi et | audivi, manu propria conscribens in hanc publicam formam redegi, quam signo et nomine meis solitis signavi in testimonium et fidem omnium prae- missorum requisitus.

Nach dem Orig. im Stiftsarchiv zu Meissen.