Wir Rudolff von gotes gnaden bischoff zu Missen bekennen — das wir — vorkouft haben mit wissen vnsers capitels zu Missen dem gestrengen Keselinge von Hermansdorff vnsern liben getreuwen vnd seinen erben eylff schog vnd virczig gro- schen Bemischer muncze yerlicher gulde vnd czinse, dy wir ym bewyset haben uff vnsern luten yn vnserm dorffe Ottendorff, vnd gegeben haben vor hundert schog vnd achczenden halbes schog guter Bemischer groschin Prager muncze, dy her vns yczund gancz vnd gar mit gereitem gelde beczalet had, vnd wir sy furbas yn vnser kirchen nucz vnd noitdurft vnd nemlichen zu der losunge des forwergs Godaw, das bischoff Thime seligis gedechtnisse vnser neest vorfaren vor funff hundert schog vor- saczt hatte, gewand haben. Dy vorgnanten czinse dy selbien vnser lute zu Otten- dorff ym vnd seinen erben alle yar ierlichen uff dy czinstage sullen antwerten vnd rechen. Teten sy des nicht — so mogen sy vmbe yre czinse pfenden achtage nach der manunge. Ouch sullen dy selbien vnser lute, dy wir mit den czinsen an sy gewist haben, czwene tage ym yare en roboten vnd zu hofe dynen, alse sy der werden bedurffen, einen tag mit yren pflugen yn der vasten, den andern mit snyden oder zu hauwen yn der erne, vnd die czwene tage sullen vns an vnserm houedinste abegein. Ouch had vns der selbie Keseling sulche freuntschaft getan, yn welchim yare wir oder eyn nachkomder bischoff zu Missen oder das capitel — dy vorgnante czinse — weider koufen wollen, das sulle wir — eyn virtel yars zuvorsagen vor sand Michilstag vnd denne — yre gelt — beczalen zu Budissin, zu Bischoffwerde oder zu Pyrne, wo dy vorgnanten an den drien enden dy beczalunge wollen libest nemen —. Des zu orkunde — gegeben nach Cristi geburd vierczenhundert yar dornach yn dem dryczenden yare an sand Michils tage.

Vnd wir Johannes techand — wie No. 855 — bekennen, das der obin- geschreben kouff — mit vnserm wissen geschen ist etc.

Nach dem Liber Rudolphi fol. C3 im Stiftsarchiv zu Meissen.