Wir Otto von Koldicz bekennen vor vns vnde allen vnsir nochkomelingin vnde thun kund in desem offenen briffe allen, dy en sehen adir horen lezen, das der erwirdige in gote vater vnde herre her Thime bisschoff czu Misen sin slos Nussen mit wissin vnde willin vnde vorrate synes capitels czu Missen mit dem vor- werke wingarten hoppegarten pfennynge czinse czolle vnde gerichte, mit allen synen czugehorungen wy dy namen gehabin mogin, besucht adir vnbesucht, alz sy sine vorvarn bisschoffe czu Missen bisher besessin vnde gehat haben an phenningen gulde vnd czinse, dy vff vir vnde drissig schog nuwer grosschin Friberger muncze ierlicher gulde treten, vnd sechs iar vorsaczt hat vor fumfthalbhundirt guldin vnd vor nun- czen guldin ane czwelf grosschen vngerischer adir ducaten gutis gewichtis dy wir gereit beczalt habin, usgenomen das holcz das czu dem slosse Nussen gehort, das her ym ader synen nochkomelingin vnuorsaczt behaldin wil, vnd was ich holcz dorff czu verbuwin adir czu vorburnen zcu dem slosse Nussen, das sal her nemen in der Czeller walde, alzo das das holcz das czu Nussen czu gehort vngeergert vnde vnge- mynnert blibe ane geuerde. Was ouch der obgenanten vir vnde driCig schog gebreche an czinse adir an czolle, dy sal her vns adir syne nochkomelinge bisschoffe czu Missen vs syner kammer adir andirswo an gewisse czinse beweysin ierliche dy wyle Nussen das slos vnsir pfant ist. Ouch had her em behaldin sin geistlich lehin vnd mannelehen vnuorsaczt ym vnde synen nochkomelingen bisschoffen czu Misen, vnde wen er adir syne nochkomelinge bisschoffe das slos Nussen weder lossin wollin, wenne dy sechs iar vsgegangen weren, so sal her vns dy losunge ufsagen vnde vorkundigen vor eyme virteil iar vnd deme dornoch dy losunge thun in dryen mon- den, dy nehst noch enandir volgen vnuorczoglich vnd ane arg. Vnde were ouch, das wir vnsirs geldis durffen wordin, so sulle wir ym synen nochkomelingin glich ein virteil iar verkundigen die losunge vnde vff sagen, so sal her vns das gelt in drien monden ouch nehst noch enandir volgende gutlichin gebin vnd beczalin, als vor- geschrebin stet ane arg. Vnde wir sullen ouch obir winter vnd obir somer den ackir vnde das vorwerg alzo wol vnd alzo vil bericht vnd besat laCen, alz vil alz wir funden han. Ouch sullen wir ym das slos mit allen rechten vnd gewonheiten wedir entworten noch der losunge als wirs iczunt vinden noch vswysunge der briffe, dy dor obir gegebin sint. Is ist ouch mit namen gereth, das vnser herre der bis

307

schoff vnd syne nochkomelinge vns vortheidigen sullen czu dem rechten dy wile Nussen vnser phant ist alzo andere sine besessinne man, vnd sal ouch vnser mechtig sin czu dem rechten von synes slossis wegen, vnd das genante slos Nussen sal syne vnde syner nochkomelinge offin slos sin zcu synen krige, ab her das bedarfte ane geuerde; vnde ab her luthe do hen legitte, dy sal her an koste adir an andirn noten besorgen vnd wir nicht. So sal her ouch vns vnd dy vnsern vor vnfuge vnde vor schadin bewaren ane arg. Vnde wurde das slos Nussen vorlorn, dy wyle er dy synen dor uffe legende hette von synes krigis wegen, so sal er vns adir sine noch- komelinge dy vorgenantin fumfthalbhundirt guldin vnde nunczen guldin ane czwelf groschin gutis gewichtis in drien monden dornoch volgende beczalen vnde wedir gebin adir mit vns bestellin, das vns genuge ane geuerde. Were abir, das das slos Nussen von vnsers kriges wegin adir von vorsumeniCe vorlorn wurde, so sullin wir vnsir gelt vorlysen vnde sullen vns mit den, dy vns das slos hetten abegewunnen nymmer gefredin noch gesunen, vnserm hern dem bisschoffe adir sinen nochkome- lingin sy denne das slos wedir wordin adir alzo vil wedirfaren, das ym genuge. Ouch wordin dy dorffere czinse czolle adir andir gutere, dy czu dem vorgenantin slosse Nussen gehorn, von vnsirs hern des bissehoffs kriges wegen [vorwustet], das dy vir vnde driCig schog czinses nicht genezlich mochten geualln, alz obingeschrebin stet, so sal her adir syne nochkomelinge vns vs syner kammer das oberige bewysen vnde ierlichin reichin, dy wile das slos Nussen vnsir phant ist vnde dy wyle wirs ynne haben. Ouch sal ich keinen gewerre machen noch nymande halden noch nymande czu noch abe ryten losen noch sich dovon behelffin, do von ym adir synen slosse mochte werdin krig, ane intrag vnd ane allis geuerde. Buwete wir abir icht in der cziit, das wir mit synem wissen vnd adir mit kuntschafft bewysen mochten, das sal vnsir herre der bisschoff adir syne nochkomelinge geldin vnd aberichtin mit der losunge ane geuerde. Ouch sulle wir syne herschaft vnde recht vnd nuczen behalden in der Czeller walde in allir moCe, als sy das bischtum vnde das gothus vor gehabt hat, vnd ym vnd synen nochkomelingin vnde synem capitil dy ouch mit synem slosse wenne er das wedir lost wedir antwortin, vnd ab vns das ymant engin adir kurczen wolde, das sal er vns adir syne nochkomelinge helfen behoutin vnd behaldin. Were ouch das wir dy losunge nicht uf sayten vnd vnsir herre der bis- schoff adir syne nochkomelinge ouch nicht vff sayten, so sal her adir syne noch- komelinge vns das slos abir mit nuwen briffin vorschrebin sechs iar adir wy wir das czu rate werdin. Ouch ab wir abegingen in der czit, do got vor sy, ee die losunge geschege, so man sal dy egnanten guldin, vnd was wir bewysen mochten, das wir uf dem slosse vorbuwet hetten das redelichin were, alzo vorgeschrebin stet, antwortin vnd beczalen vnsirm elichen wybe frawen Jotten vnd vnsirn erbin, wenne er von en eins adir gar vormant wurde, vnde wer das slos ynne hette von vnsirs wyben wegen adir von vnsir erben wegen, der sal vnde mag das slos ynne habin also lange das vns adir vnsirm wybe adir vnsirn erbin ir wille vmme dy egenanten guldin gemacht wurde, dor vmme sal vnsir herre der bisschoff vnde syne nochkome- linge vnd das capitil czu Missen sy nicht vordencken noch behabin. Ouch sal vnsir houptman, wenne wir das beuelen, vnsirm herre dem bisschoffe vnde dem capitel czu

3!l*

308

Missen gloubin vnd huldin, ob wir abegingin, das er sich mit dem slosse haldin sulle an vnsirn herren den bisschoff czu Missen adir an syne nochkomelinge, adir ab nicht bisschoffs were, an das capitel czu Missen, vnd das sal alzo ufte geschen alz wir einen nuwen houptman seczczen, y doch das vns adir vnsirn erben vorczogen werde alzo vor geschrebin stehit. Des czu orkunde vnde merer sichirheit allir obingeschre- bin globde, stucke vnde artikil habin wir er Otte von Koldicz mit er Jorgin von Koldicz vnsir eigen ingesigil vnd Pctir von Malticz vnd Cunrad von Threbissen vnd Fredrich vom Bore ouch yre ingesigil, dy mit vns vnd vor vns ouch gelobit habin, an desin briff lassen hengin. Vnd wir Jorge von Coldicz herre do selbist, Petir von Malticz czu Nuendorff gesessin, Cunrad von Threbissen zcu Steinbach gesessin, Frederich vom Bore czu Nuenkirche gesessin egenante bekennen, das wir vor den dickgenanten er Otten von Coldicz ouch mit ym selbin dcm egenanten vnsirm herren ern Thimo bisschoff zu Missen adir sinen nochkomelingen vnde syme capitil czu Missen globt habin, dor obir alle geschrcbene redde vnde globde stucke vnde artikil czu haldin an eidis stad, vnd haben dor obir czu merer wissenschafft ane alle arge- list vnd geuerde vnsir eigen ingesigile an desem offenen briffe lassin hengin, der do gegebin ist noch Cristi gebort in dem virczenhundirczten iare dor noch in dem dritten iare an vnsirs herren hymmelfart.

Nach dem Liber Rudolphi fol. 48 f. im Stiftsarchiv zu Meissen.