In nom. dom. amen. Nos Conradus dei et apostolicae sedis gratia episcopus ecclesiae Misnensis universis et singulis praesentia visuris seu audituris recogno- scimus publice praesentium sub tenore, quod quia ratione expensarum, quas propter confirmationem electionis nostrae seu novae provisionis de ecclesia praedicta obtinenda ac importuna nonnullorum adversariorum nostrorum nos in huiusmodi confirmationis seu provisionis obtentu retardantium impedimenta, in Romana curia fecimus, gravi et importabili essemus debitorum onere gravati multipliciter et oppressi, ac terminus solutionis eorundem, in quo ipsa sub poenis camerae apostolicae satis gravi solvere promisimus et ad id nos obligavimus, propter sui brevitatem vehementer nos artaret, nec scientes modos aut vias alias, per quas ab huiusmodi debitorum sarcina exone- rari possemus et eripi, nisi quorundam bonorum et reddituum ad mensam nostram episcopalem pertinentium alienatio mediaret et interveniret, ideoque necessitate inevita- bili nos urgente deliberatione provida maturoque consilio ac tractatu diligenti praeha- bitis, accedente etiam capituli nostri voluntate et consensu, decem maldaria tritici cum duobus modiis tritici census annui ad mensam episcopalem pertinentia sita in villis ac bonis sancti Gothardi in Gana et Benewicz prope Ganam") ac Preudowb) et Pryszerc) per censuales et reddituarios infrascriptos singulis annis de agris et mansis suis solvenda rite et rationabiliter ac iusto emptionis et venditionis titulo interveniente vendidimus et praesentibus vendimus honorabilibus viris dominis Palberto cantori, Siffrido Hanfmus, Lutoldo de Stuternheim episcopalibus et Gunthero Karas perpetuo vicariis ecclesiae nostrae Misnensis testamentariis recolendae memoriae domini Johan- nis olim eiusdem ecclesiae Misnensis episcopi praedecessoris nostri ad elemosinam pauperibus, mendicis et inedia oppressis qui vulgariter husarmen dicuntur, iuxta praefati testatoris affectum largiendam, pro ducentis sexagenis latorum Pragensium grossorum nobis integraliter et iam plene persolutis et in partem solutionis debitorum praedictorum ac nostram et ecclesiae nostrae utilitatem conversis. Et quia memorati domini testamentarii nobis cum instantia debita supplicarunt, quatenus praefatum tri- ticum seu censum capitulo ecclesiae nostrae Misnensis incorporare unire et appropriare dignaremur, nos attendentes eorum petitionem esse iustam et rationi consonam, ipso- rumque precibus favorabiliter inclinati, praefata decem maldaria cum duobus modiis tritici census annui ad elemosinam ut praemittitur iuxta tamen ordinationem et dispo- sitionem capituli largiendam, eidem capitulo nostro ipsius tamen accedente concordi consensu appropriamus — et unimus. Insuper promisimus bona fide ac dolo et fraude quibuslibet postergatis promittimus per praesentes, quod quam primum divina nobis

a; Jahna (Eph. Oschatz) und Binnewitz ders. Paroehie. b) Priida, Par. St. Afra. c) Pries«en, Par. Ruseeina

117

[gratia] facultatem ministraverit et pinguior nobis arriserit successus et fortuna, aequivalentia bona vel meliora comparare et ea mensae nostrae episcopali appropriare — et annectere tenebimur et debemus. Ne autem alicuius dubietatis scrupulus super solutione dicti tritici seu census annui cuipiam valeat suboriri, censuales et redditua- rios bonorum et agrorum, de quibus supra fit mentio, praesentibus duximus per ordinem cum termino solutionis inserendos. Primo etenim de villa sancti Gothardi in Gana Johannes et . . frater suus filii dictae der Mertinynnen dant et solvunt unum maldare tritici de duobus mansis, item . . dicta Lemannynne sex modios de uno manso. Item de villa Benewicz prope Ganam Johannes Welkacz novem modios de uno manso et dimidio, Johannes der Tyczinnen man novem modios tritici de uno manso cum dimidio, Herman Kochilacz unum maldare de duobus mansis, Jacobus Grozherre sex modios de uno manso, Petir Mertins sex modios de uno manso. Item in villa Preudow Johannes Rodstok sex modios de uno manso cum dimidio, Nicolaus Kittan sex modios de uno manso cum dimidio, Jacobus Pauli cum matre sua quatuor modios de uno manso, Henschzil Schuman quatuor modios de uno manso, Pawel Winkel octo modios de duobus mansis, Petir Schulte quatuor modios de uno manso, Conradus Robeschicz quatuor modios de uno manso, Hannus Dubraw quatuor modios de uno manso. Item in villa PriCer Paulus Rodstok quatuor modios de uno manso, Petir Boyczin quatuor modios de uno manso, Henschzil Crusphar quatuor modios de uno manso, Heynich KleCir quatuor modios de uno manso, Heynich Crusphar sex modios de uno manso cum dimidio. Quem quidem censum sive triticum suprascripti censuales et rustici ac omnes in agris et bonis eorum successores in festo beati Mi- chaelis archangeli singulis annis dare et solvere consueverunt ac tenentur. Et ne oblivio, quae mater est erroris et inimica veritatis, aliquem in praemissis sibi locum vendicet, praesentes litteras scribi et nostri maioris sigilli fecimus appensione muniri. Datum et actum Misnae anno a nativitate domini millesimo trecentesimo septuagesimo primo, in die annunciationis beatae virginis Mariae, praesentibus et testibus honora- bilibus et discretis viris dominis Nicolao decano, Theoderico de Cappellendorf prae- posito Budissinensi, Johanne de Droynicz praeposito Haynensi et Conrado Pruze archidiacono Lusatiae, canonicis ecclesiae nostrae Misnensis, ac Johanne de Kothebus notario nostro et quampluribus aliis fide dignis.

Et nos Heinricus de Slynicz praepositus, Nicolaus decanus totumque capitulum ecclesiae Misnensis recognoscimus praescriptae alienationi — et incorporationi nostrum expressum adhibuisse consensum, et ideo in evidens testimonium nostri consensus sigillum nostri capituli maius praesentibus duximus appendendum.

Nach dem Orig. im Stiftsarchiv zu Meissen mit den Siegeln des Bischofs und des Capitels an Pergament-

streifen.

Im Auszug Ursinus Gesch. d. Domk. S. 239 f.

118