In nom. s. et ind. trin. amen. Praeceptis dominicis instruimur1) etc. Nos igitur Johannes dei et apostolicae sedis gratia episcopus Misnensis — publice profi- temur, quod ex debito filialis caritatis, qua paternae beneficentiae tenemur obligati, in ecclesia nostra Misnensi, cui auctore domino licet immeriti praesidemus, salutem animae recolendae memoriae domini Pauli de Jenczinsteyn genitoris nostri carissimi meditatione sollicita procurare et ad faciendum in ea sibi memoriale perhenne assiduis desideriis intendere, necnon per nostrae sollicitudinis studium in vivorum regione locum ipsi praeparare cupientes, ne clara ipsius memoria derelinqueretur in seculum aut cum sonitu pereat et evanescat, duas sexagenas grossorum Vribergensium census

1) imbuimur B.

annui de bonis quondam dicti . . Rollen in opido nostro Nussin et pago ipsius situatis, quae olim feudalia extiterunt, per Hermannum Rederow, cui bona eadem in heredi- tatem contulimus, videlicet curiam mansionis in Nussin cum agris pratis pascuis et lignis ad huiusmodi pertinentibus, ac successores vel heredes memorati Hermanni praedictorum bonorum possessores annis singulis in festo beati Michaelis archangeli solvendas venerabilibus viris dominis . . praeposito, . . decano et capitulo ecclesiae nostrae Misnensis nec non ipsi ecclesiae, eiusdem capituli accedente consensu, donatione perfecta et irrevocabili in proprium tradimus — et incorporamus proprietatis titulo cum pleno dominio bonorum praedictorum — pacifice temporibus perpetuis possidendas, quodque liberam et plenam habebunt facultatem in opido nostro vel bonis praedictis censuales et possessores eorumden in solutione memorati census seu partis ipsius negligentes vel contumaciter deficientes sine difficultate et resistentia cuiuscumque impignorandi, pignora sicut moris est obligandi vel distrahendi, iudicio alto et basso in bonis eisdem ac servitio castrensi, quod necessitatis in tempore idem Hermannus aut2) sui heredes vel3) successores in custodia castri nostri Nussin requisiti facere tenebuntur, nobis et nostris successoribus dumtaxat reservatis, sub ea tamen condi- tione, quod si ullo unquam tempore nos aut nostri successores episcopi Misnenses pro tempore existentes praefata bona sive censum castro nostro Nussin vellemus aut vellent applicare, ex tunc primum et ante omnia aequivalentia bona et tantum cen- sum ut praescribitur ad usum infrascriptum praelibatis . . praeposito, . . decano et capitulo ac ecclesiae Misnensi sine contradictione quacunque in restaurum praedictorum debebimus et tenebuntur in certo loco proprietatis ecclesiae memoratae deputare et appropriare, ita videlicet, quod annis singulis in dicta ecclesia Misnensi in die anni- versario obitus dicti domini Pauli genitoris nostri, qui de anno domini millesimo tricentesimo septuagesimo quinto die decima octava Decembris vitae suae diem clausit extremum, maiores seu longae vigiliae sollempniter et missa defunctorum decantentur et peragetur commemoratio solita et consueta, quodque collector reddituum capitu- larium seu procurator capituli, qui pro tempore fuerit quique dictum censum nomine capituli percipere debet et levare, dictas duas sexagenas tunc distribuat in hunc modum, scilicet unam sexagenam praedictorum grossorum dominis canonicis emanci- patis et integratis vocem dumtaxat in capitulo habentibus, inclusa decima hospitalis, et mediam sexagenam eorumdem grossorum perpetuis et temporalibus antedictae ecclesiae vicariis in vigiliis et missa defunctorum praesentibus, custodi ut quatuor cereos seu candelas sollempnes in vigiliis et missa ponat et ardere faciat sex grossos, subeustodi pro panno sericeo ponendo duos grossos, rectori scolarum, ut cum pueris et scolaribus vigiliis et missae intersit, duos grossos, campanatori ut sollempniter more solito pulset et ad huiusmodi anniversarium peragendum fideliter in aliis deser- viat duos grossos, pro legentibus missam defunctorum illa die et memoriam animae praefati genitoris nostri inter mortuorum nomina facientibus septem grossos, pro pane in elemosynam pauperum et mendicorum erogando septem grossos iuxta dispositionis nostrae decretum, quod in huiusmodi ut praescriptum est observari volumus, partiatur et ministret. Residuos quatuor grossos idem collector seu procurator capituli pro

2) ve! B. 3) au! B.

COD. DIPL. SAX. II. 2.

•21

162

labore suo servabit et habebit*). Ut autem haec nostrae appropriationis unionis tra- ditionis et incorporationis donatio perpetuae firmitatis robur obtineat ac stabilis et inconvulsa iugiter perseveret, praesentes litteras scribi et nostri autentici appensione sigilli fecimus communiri. Datum iu castro nostro Mogelin anno domini millesimo trecentesimo septuagesimo sexto, sabbato infra octavas corporis Christi.

Et nos Heinricus praepositus, Nicolaus decanus totumque capitulum ecclesiae Misnensis suprascriptis appropriationi, — ac omnibus aliis et singulis expressum nostrum adhibuisse et praesentibus adhibere consensum publice profitemur, harum, quibus maius sigillum5) nostri capituli in signum consensus nostri appensum est testimonio litterarum. Datum et actum ubi supra.

Naeh zwei Ausfertigungen im Stiftsarchiv zu Meisseu (A) und im K. Haupt - Staatsarchiv zu Dresden (B) mit den Siegeln des Bischofs mid des Capitels, das bei A jetzt fehlt, an Pergamentstreifen.

4) hab1bit et servalnt. Dic Worte Itesiduos — servabit sind im B. an1 Schlusse, vor der (fenehmipiu1p des Capitels mit dem Beidatze Datum ut supra nachpetrapen. .0) sigitlum maius li.