Nos Ramfoldus de Polencz et Johannes de Eckirsperge amministratores eccle- siae Misnensis a capitulo Misnensi sede vacante concorditer electi, Theodericus de Goch electus, Reinhardus de Boyla, Franciscus Konigisbrucke, Johannes de Herstin alias de Polencz, Andreas Grawe, Cunradus de Wedera, Otto de Donyn, Thymo

255

de Grunenrade et Henricus de Grunenrade canonici, totumque capitulum ecclesiae Misnensis notum facimus — quod coram nobis constitutus honorabilis — dominus Johannes de Poczte noster et ecclesiae nostrae Misnensis decanus et ecclesiae Nuen- burgensis canonicus — desiderans voto supplici ob reverentiam et laudem intemeratae et gloriosissimae dei genetricis et virginis Mariae, animae suae et parentum suorum pro salute festum commemorationis sacratissimae virginis Mariae institui et singulis annis in crastino sanctorum Crispini et Crispiniani in ecclesia nostra Misnensi cum cantu, praepulsatione maiori ac aliis solempnibus in ecclesia nostra in festorum solempnizationibus consuetis conservari et fieri secundum modum, prout illum in bre- viario chori de statu nostro signari et conscribi fecit divinum officium, et praecipue hac die officium missae in summo altari solempniter cantari et celebrari. Sed quia ut consuetum est in consimilibus festivitatibus, quae in ecclesia nostra institutae sunt et peraguntur, canonicos celebrare et officium divinum perficere, idem dominus noster Johannes decanus considerans et attendens, quod propter multitudinem festivitatum, quae solempniter peragendae in ecclesia nostra sunt institutae, quibus domini nostri canonici prius sunt aliqualiter onerati, et plurimorum dominorum nostrorum canoni- corum absentiam hoc festum per canonicos non posse commode peragi nec adimpleri, volens tamen voluntati suae satisficri cum instantia humili petiit per nos annui et concedi, quod vicarius perpetuus ecclesiae nostrae, qui pro tunc foret ebdomedarius, vel alius vicarius perpetuus vice sua, vel si ordo canonicum tangeret, ut vicarius perpetuus loco canonici cum temporalibus vicariis in summo altari cum ornatu con- sueto canonicis in festivitatibus in missa cum cappa in primis vesperis ad thurifi- candum assignari et concedi missam in summo altari et alias horas cum primis et secundis vesperis possint et valeant peragere et solempniter celebrare, dummodo non sint canonici, qui ob specialem devotionem velint voluntarie in praedicta festivitate missam cantare et in missa ministrare, nec non commemorationem parentum suorum, et post eius obitum anniversarium suum etiam singulis annis in crastino sancti Gre- gorii cum vigiliis magnis et missa pro defunctis prout consuetum est fieri cum can- dela de una libra cerae ponenda apud tapetum ad hoc conparatum et deputatum prostratum in medio ecclesiae, quam vult in inceptione vigiliarum accendi et sine intervallo ardere per totam noctem in alterum diem, quousque missa pro defunctis fuerit totaliter finita et conpleta, perpetuis temporibus etiam inibi peragi et observari. Adque sic ut praemittirur peragenda et adimplenda ipse dominus Johannes decanus villam dictam Reinmarstorft") sitam prope Wartam districtus Dresdensis cum omnibus suis iuribus et pertinentiis, supremo iudicio dumtaxat excepto, in qua villa sunt tres sexagenae viginti grossi, V pulli, III sexagenae ovorum census et annuorum reddi- tuum, a strennuis Johanne et Thamone fratribus dictis Karas — propriis suis pecu- niis, videlicet pro LXXV sexagenis Fribergensium grossorum iuste ac rite comparavit. De quibus quidem redditibus et censibus pro solempnizatione festivitatis praedictae ordinavit et disposuit ministrari unam sexagenam et XLI grossos, et ita distribui canonicis emancipatis et integratis in vesperis et in missa praesentibus infra sequen- tiam LV grossos, custodi IIJ grossos, subeustodi I grossum, cantanti in organis et

a) Runneradorf, Par. BriessniU.

256

calcantibus II grossos, campanatori IIJ grossos, magistro scolarium ut pueri bene cantent I grossum, cantanti missam et ministrantibus pro eo, ut cantent illum versum in sequentia ,hic manna verum', usque ,ora virgo nos', quem chorus supplebit, prout iste modus et ordo servandus infra illum versum in breviario plenius continetur, cui- libet I grossum, choralibus IIII grossos, vicariis perpetuis et temporalibus praesen- tibus ut supra J sexagenam. In commemoratione vero parentum suorum et in anni- versario suo post obitum suum I sexagenam et XXXIIII grossos, videlicet canonicis emancipatis et integratis in vigiliis et in missa praesentibus infra ,agnus dei' XLVIII grossos, vicariis perpetuis et temporalibus XXIIII grossos, pro una libra cerae V grossos ad candelam et facienti candelam, magistro scolarium I grossum, campana- tori 13 grossos, legentibus missas XVIII grossos, videlicet unicuique missam pro defunctis legenti VI hellenses et si quid residuum de pecunia pro missas legentibus fuerit, per collectorem seu distributorem huiusmodi censuum, cui duo grossi residui cum pullis et ovis pro suis laboribus sunt deputati, inter ipsos chorales proportio- nabiliter distribui debet, ordinavit disposuit et ita voluit praedictam pecuniam distri- bui et ministrari. Et ut praedicta sua ordinatio — debitum sortiretur et conseque- retur effectum, procuravit et effecit, quod supranominati Johannes et Thammo Karas fratres pro se et suis heredibus praenominatam villam Reimarstorft, quam ab ecclesia nostra in feudum tenuerunt, ad manus nostras saepenominato domino nostro decano conferendam sponte et libere resignarunt, et nos eandem nomine ecclesiae et capituli cum birreti traditione domino nostro Johanni decano saepetacto contulimus et inve- stimus eum de eadem. Resignatione recepta et collatione sic facta praefatus dominus noster Johannes decanus — supplicavit, quatenus — villam praedictam cum omuibus suis pertinentiis ecclesiae nostrae Mysnensi et capitulo cum oneribus et ministrationibus — appropriare — et annectere, ipsamque ordinationem seu reddituum praemissorum divisionem et modum dividendi eosdem — acceptare, et per modum statuti perpetui — ratificare et approbare dignaremur. Nos igitur plena deliberatione praehabita — de una- nimi et concordi omnium nostrum voluntate et assensu praefatam villam cum suis iuri- bus — ecclesiae nostrae et capitulo applicavimus — et unimus, statuentes et ordi- nantes, quod praedicti festi commemorationis virginis Mariae gloriosae solempnizatio cum maiori praepulsatione et omni veneratione et solempnitate, prout ipse dominus Johannes disposuit et ordinavit, ex nunc et in antea neenon dies commemorationis parentum suorum et eius anniversarii, postquam de hac luce domino iubente migra- verit — perpetuis debeant in ecclesia nostra temporibus inviolabiliter observari, ita tamen, quod idem dominus Johannes ad vitae suae tempora — redditus percipiat — et omnes et singulas ministrationes prout praemittitur, ministret. Sed post eius deces- sum vel recessum procurator capituli nostri, qui pro tempore fuerit, villam praedictam prout alia bona capituli sibi assumat, et de ea se intromittat singulasque ministra- tiones, quae pro quolibet praedictorum deputatae sunt in omnem eventum — de bonis praedictis fideliter et incommutabiliter easdem ministrandas debet minkstrare et mini- stret. Ad quorum etiam omnium et singulorum praemissorum observantiam nos et quoslibet nostros posteros serie praesentium obligamus. In cuius rei evidentiam et evidens testimonium sigillum maius nostri capituli una cum appensione sigillorum

257

praedictorum venerabilium dominorum Ramfoldi de Polencz et Johannis de Eckirs- perge amministratorum ecclesiae nostrae sede vacante praesentibus est appensum sub anno domini millesimo trecentesimo nonagesimo tertio in crastino beatae Dorotheae virginis et martyris gloriosae.

Nach dem Orig. im Stiftsarchiv zu Meissen mit den Siegeln des Capitels, Ramfolds von Polenzk und Johanns von Eckirsberge an Pergamentstreifen.